ខ្មាន់កាំភ្លើង​បាញ់រះ​លើហ្វូងមនុស្សក្នុង ឧទ្យាន​មួយ​នៅអាមេរិក​របួស​១៦​នាក់
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 23 November, 2015 ក+ ក-

​អាមេរិក​៖​មនុស្ស​យ៉ាងហោចណាស់​១៦​នាក់​បាន​រងរបួស បន្ទាប់ពី​ខ្មាន់កាំភ្លើង​ពីរ​នាក់​បាញ់រះ​នៅ​ឧទ្យាន​មួយ​ក្នុង​ទីក្រុង New Orlean សហរដ្ឋអាមេរិក​កាលពី​យប់មិញ​។​
​អ្នកនាំពាក្យ​នគរបាល​លោក Tyler Gamble និយាយថា មន្ត្រីប៉ូលិស​ជាច្រើន​នាក់​បាន​ចូលទៅ​បំបែកហ្វូង​មនុស្ស​ដែល​កំពុង​ជួបជុំគ្នា​នៅ​ឧទ្យាន Bunny Friend ខណៈពេល​កើតមាន​ការបាញ់ប្រហារ​នេះ​។​
​ប្រភព​ដដែល​បន្តថា រថយន្ត​សង្គ្រោះបន្ទាន់​បាន​ដឹក​អ្នករបួស​១០​នាក់​ទៅកាន់​មន្ទីរពេទ្យ និង​ផ្សេងទៀត​ដឹក​តាម​រថយន្ត​ឯកជន​។ ទោះជា​យ៉ាងណា​គេ​មិនទាន់​ដឹងថា ក្រុម​ណា​នៅ​ពីក្រោយ​ការបាញ់​នេះឡើយ និង​អ្នករបួស​ធ្ងន់ធ្ងរ​ប៉ុណ្ណា​ទេ​។ ទន្ទឹម​នោះ​ប៉ូលិស​ក៏​កំពុង​ស៊ើបអង្កេត​យ៉ាង​ដុតដៃដុតជើង​ផងដែរ​។​
​គួរ​បញ្ជាក់ថា មាន​មនុស្ស​ជាង​៥០០​នាក់​ទៅ​ចូលរួម​មើល​គេ​ថត​វីដេអូ​តន្ត្រី ខណៈនោះ​ក៏​ស្រាប់​តែមាន​ខ្មាន់កាំភ្លើង​ពីរ​នាក់​បាញ់រះ​សំដៅ​ហ្វូងមនុស្ស​តែម្ដង​៕

13072209