បាត់ដំបង៖បុរសម្នាក់បានរងរបួសជាទម្ងន់ហើយត្រូវគេជួយបញ្ជូនទៅសង្គ្រោះនៅមន្ទីរពេទ្យស្រុកសំពៅលូន បន្ទាប់ពីត្រូវរថយន្តធុនតូចមួយគ្រឿងបើកបុកចំពីមុខពេញទំហឹង ខណះជនរងគ្រោះកំពុងជិះម៉ូតូម្នាក់អែង។
ប៉ូលីសបាឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងនៅតាមបណ្តោយផ្លូវជាតិលេខ59A ចំណុចភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបងរវាងរថយន្ត និងម៉ូតូដែលបើកបរបញ្ច្រាស់ទិសគ្នាហើយបានបុកពេញទំហឹងបណ្តាលអោយអ្នកជិះម៉ូតូរងរបួសយ៉ាងធ្ងន់ធ្ងរ ។
សមត្ថកិច្ចចរាចរណ៍ស្រុកបានអោយដឹងថា រថយន្តបង្កហេតុម៉ាកកាមរី ស៊េរីឆ្នាំ៩៣ ពណ៍ស្ពៃជ្រក់ ពាក់ស្លាកលេខ-ភ្នំពេញ.2A7543 បើកបរដោយឈ្មោះ ស៊ាង សុភ័ក្រ ភេទប្រុស អាយុ ៣៨ឆ្នាំ ទីលំនៅភូមិស្ពានយោល ឃុំជ្រៃសីមា ស្រុកសំពៅលូន ខេត្តបាត់ដំបង មិនរងរបួសទេ។
ចំណែកភាគីខាងម៉ូតូម៉ាកហុងដា ឌ្រីម ស៊េរី២០១០ ពណ៌ខ្មៅស្លាកលេខ1H5903បើកបរដោយឈ្មោះ សោ សុជាតិ ភេទប្រុស អាយុ ៣០ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង រងរបួសធ្ងន់ត្រូវបានបញ្ជូនទៅមន្ទីរពេទ្យបង្អែក ស្រុកដើម្បីសង្ក្រោះ។
បច្ចុប្បន្នរថយន្ត និងម៉ូតូត្រូវបានសមត្ថកិច្ចនាំយកទៅរក្សាទុកនៅអធិការដ្ឋាននគរបាលស្រុកសំពៅលូន រង់ចាំធ្វើកាដោះស្រាយជាក្រោយ៕ដោយ៖គ.បញ្ញា
