Chelsea និង Man Utd ចាប់អារម្មណ៍Thomas Muller
បាល់ទាត់៖ខ្សែប្រយុទ្ធក្រុម Bayern Munich កីឡាករ Thomas Muller បានក្លាយជាគោលដៅទិញយករបស់អ្នកចាត់ការក្រុមបិសាច ក្រហម Louis Van Gaal ប៉ុន្តែទន្ទឹមនឹងនេះ អ្នកចាត់ការក្រុមតោខៀវ Chelsea លោក Jose Mourinho ក៏កំពុងសម្លឹងមើលលើកីឡាករឆ្នើមរូបនេះដែរ។
តាមប្រភពសារព័ត៌មាន The Sun បានផ្សាយថា តោខៀវ Chelsea អាចជាគូប្រកួតជាមួយ បិសាចក្រហម Manchester United សម្រាប់ការប្រជែងយកកីឡាករជម្រើសជាតិអាល្លឺម៉ង់។ Super Star របស់ Bayern ត្រូវបានបិសាចក្រហមព្យាយាមទាក់ទងជាច្រើនដង ដើម្បីទៅលេងនៅ Old Trafford។
ដោយឡែក ក្រុមតោខៀវ វិញក៏កំពុងតាមប្រជែងយក Muller ដើម្បីទៅជំនួសកន្លែងខ្សែប្រយុទ្ធ Diego Costa ក្រោយពីបង្ហាញអាកប្បកិរិយាមិនសមរម្យចំពោះអ្នកចាត់ការ Special One លោក Jose Mourinho កាលពីតោខៀវ ប្រកួតជាមួយ Tottenham៕
