ខេត្តកំពង់ចាម៖ជនដៃដល់ដែលកាប់ប្រពន្ធ កូនប្រុសស្រីតូចៗ២នាក់ និងម្តាយក្មេកម្នាក់ស្លាប់កាលវេលាម៉ោង២៣ និង០៩នាទី យប់ថ្ងៃទី ៣០ ខែវិច្ឆិកា ឆ្នាំ២០១៥ នៅក្នុងភូមិពែងមាស ជើងឃុំស្ពឺ ស្រុកចម្ការលើ ខេត្តកំពង់ចាម ត្រូវគេប្រទះឃើញស្លាប់ទំនងជាដោយគ្រោះថ្នាក់ចរាចរណ៍ តាមផ្លូវលំក្នុងភូមិដាច់ស្រយាលមួយក្នុងខេត្តកំពង់ធំ ជាប់ព្រំប្រទល់ខេត្តកំពង់ចាម។
មន្ត្រីនគរបាលមួយរូបបានប្រាប់ឲ្យដឹងថា ក្រោយពេលជនដៃដល់បានគេចខ្លួនបន្ទាប់ពីប្រព្រឹត្តអំពើឃាតកម្មយ៉ាងកម្រោលលើប្រពន្ធ និងកូនតូចៗ២នាក់ ព្រមទាំងម្តាយក្មេកលើលំនៅឋានរបស់ឪពុកម្តាយក្មេករួចមក កម្លាំងមានសមត្ថកិច្ចបានតាមប្រមាញ់គ្រប់ទីកន្លែងទាំងក្នុង និងក្រៅខេត្តក៏ដូចតាមមាត់ច្រកព្រំដែនផង។
ប្រភពបន្តថា កម្លាំងនគរបាល នៅវេលាម៉ោង ប្រមាណ៩និង១៥នាទីយប់ថ្ងៃទិ០១ធ្នូ ២០១៥នេះ បានប្រទះឃើញសាកសពបុរសម្នាក់ត្រូវឡានកិន ហើយសមត្ថកិច្ចបានដាក់ការសង្ស័យថាជាជនដៃដល់ឈ្មោះ អេង ធី ដែលបានសម្លាប់ម្តាយក្មេក ប្រពន្ធកូន ត្រូវបានរថយន្តកិនចំក្បាលស្លាប់នៅតាមបណ្តោយផ្លូវលំក្នុងភូមិវាលធំ ឃុំគគីធំ ស្រុកបារាយណ៍ ខេត្តកំពង់ធំ (កន្លែងកើតហេតុមានចម្ងាយ៥ គម ពីព្រំប្រទល់ខេត្តកំពង់ចាម និង ប្រមាណ ៨គម ពីផ្ទះ ឃាតករ និងក៏ជាកន្លែងដែលឃាតករធ្លាប់មកស៊ីឈ្នួលលើកថ្មគេផងដែរ និងក៏ជាគោលដៅ១ក្នុងចំណោមគោលដៅជាច្រើនដែលយើងត្រូវប្រទាក់ ក្រឡាតាមប្រមាញ់)។
ដើម្បីដោះស្រាយភាពសង្ស័យថាតើ បុរសដែលត្រូវ រថយន្តកិនស្លាប់នោះជា អេង ធី ពិតមែនឬយ៉ាងណានោះ សមត្ថកិច្ចបានទៅដឹកសាក្សីចំនួន៨នាក់ដែលជាមិត្តភក្តិរបស់ជនដៃដល់ ពិសេសឈ្មោះ លន់ ភឿន ដែលបានផឹកស៊ីជាមួយគ្នាមុនពេលកើតហេតុ និងបានទៅជួយពន្លត់ភ្លើងជាមួយឪក្មេកឃាតករ និងត្រូវបានឃាតករដេញកាប់ក្នុងពេលនោះដែរ ឲ្យមកពិនិត្យសាកសព ហើយពួកគាត់បានអះអាងថា សាកសពអ្នកស្លាប់នោះគឺ អេង ធី ពិតប្រាកដមែន ព្រោះដោយសារចំណាំខោអាវ សម្លាកលើខ្លួន៘
ប្រភពបន្តថា ដើម្បីអោយកាន់តែសុក្រឹត ផ្នែកនគរបាលបច្ចេកទេសវិទ្យាសាស្ត្រខេត្ត បានផ្តិតយកក្រយៅដៃរបស់សាកសពដើម្បីផ្ទៀងផ្ទាត់នឹងក្រយៅដៃក្នុងម៉ាស៊ិនកុំព្យូទរ័ដែលឃាតករបានមកធ្វើអត្តសញ្ញាណប័ណ្ណនាពេលកន្លងទៅ ហើយសន្និដ្ឋានថាពិតជាឈ្មោះ អេង ធី ប្រាកដមែន។
តាមកំណត់ហេតុរបស់នគរបាលបានឲ្យដឹងថា ក្នុងចំណោមសាក្សីទាំង៨មាន៣ជាសំខាន់មាន១. អ្នកត្រូវជនដៃដល់ដេញកាប់,២. កូនដើម និងទី៣ គឺប្អូនថ្លៃប្រពន្ធជនដៃដល់ គឺ៖
១ លន់ ភឿន រូបមានក្រមារុំក អ្នកដែលត្រូវវាដេញកាប់ដែរ
២ យាន រដ្ឋា ជាកូនរបស់ប្តីមុន(នារីរងគ្រោះធ្លាប់មានប្តី៣) អាវក្រឡាដៃវែង
៣ រឿន សុភ័ក្រ ជាប្អូនថ្លៃរបស់នារីរងគ្រោះ អាវ សដៃខ្លី
៤ ថេង ធុយ ជាអ្នកជឹតខាង រូប ពាក់វ៉ែនតា
៥ ស្រី សាង ជាអ្នកជិតខាង រូបពាក់អាវយឺត
៦ ប៊ី សែ ជាអ្នកជឹតខាង រូបពាក់អាវ ស ឆ្នូតដៃខ្លី
៧ សាំង ដារឹន ជាអ្នកជិតខាង អាវឆ្នូតដៃវែង
៨ ប៊ុម គា ជាអ្នកជិតខាង ពាក់អាវខ្មៅ
លោក ណោ ឌីណា នាយរងការិយាល័យបច្ចេកទេសវិទ្យាសាស្ត្រខេត្តកំពង់ចាម បានបញ្ជាក់ថា ជនរងគ្រោះដល់ស្លាប់ក្នុងហរតុការណ៍នេះមាន៤នាក់ ៖
១” ឈ្មោះ ម៉ៅ ឃាង អាយុ ៦៤ឆ្នាំ ត្រូវជាម្តាយក្មេកជនដៃដល់ (ស្លាប់)
២”ឈ្មោះ ចន្ធី សុភានី អាយុ៤៥ឆ្នាំ ត្រូវជាប្រពន្ធជនដៃដល់ (ស្លាប់)
៣” ឈ្មោះធី ដ៊ាងហ៊ី អាយុ៦ឆ្នាំ ត្រូវជាកូនស្រីជនដៃដល់ (ស្លាប់)
៤” ឈ្មោះ ធី សីហា អាយុ៤ឆ្នាំ ត្រូវជាកូនប្រុសជនដៃដល់ (ស្លាប់)
៥” ឈ្មោះ ស្វាយ សាខន អាយុ៦៩ឆ្នាំ ត្រូវជាឪពុកក្មេកជនដៃដល់បានរងរបួសធ្ងន់បញ្ជូនទៅសង្គ្រោះនៅមន្ទីរពេទ្យ ខេត្តកំពង់ចាម។
បច្ចុប្បន្នសាកសពជនដៃដល់ឈ្មោះ អេងធី ត្រូវបានប្រគល់អោយប៉ុស្តិ៍នគរបាលគគីធំ ស្រុកបារាយ ខេត្តកំពង់ធំ ដើម្បីចាត់ការតាមនិតិវិធីបន្ត៕ដោយ៖គឹម បញ្ញា
