ស្ត្រីម្នាក់ជិះកង់ដួលខ្ទាតចូលក្រោមរថភ្លើងកិនដាច់ជាពីរស្លាប់ភា្លមៗ
ភ្នំពេញ៖ ស្ត្រីម្នាក់ត្រូវរថភ្លើងកិនដាច់ខ្លួនជាពីរ បណ្តោលអោយស្លាប់ភ្លាមៗនៅនឹងកន្លែងកើតហេតុ កាលវេលាម៉ោង ៥ៈ០០រសៀល ថ្ងៃទី០៣ ខែវិច្ឆិកា ឆ្នាំ២០១៥ ត្រង់ចំណុចផ្លូវរទេះភ្លើងក្បែររោងចក្រ «C7»ទល់មុខតុលាការយោធា ព្រំប្រទល់ខណ្ឌសែនសុខ និងខណ្ឌពោធិសែនជ័យ។
យោងតាមប្រភព ពីមន្ត្រីនគរបាលបានឲ្យដឹងថាជនរងគ្រោះ មានឈ្មោះ ថន លក្ខិណា អាយុ ២៥ឆ្នាំ មានស្រុកកំណើតនៅ ស្រុកព្រះស្តេច ខេត្តព្រៃវែង មានប្តីនិងមានកូនស្រីមួយអាយុជាងពីរខួប។
ប្រជាពលរដ្ឋដែលបានឃើញហេតុការណ៍នោះបានប្រាប់ថា ស្រ្តីខាងលើ ត្រូវបានគេស្រែកប្រាប់ “កុំជិះកង់ឆ្លងរថភ្លើងមកហើយ” ប៉ុន្តែជនរងគ្រោះហាក់មិនបានឮទេ ហើយនៅតែជិះឆ្លងមុខទៀត ធ្វើឱ្យរថភ្លើងមកដល់ កិនដាច់ខ្លួនស្លាប់តែម្តងទៅ៕ ដោយ៖គឹម បញ្ញា
