ក្រុមគ្រូពេទ្យជំនាញបានបង្ហាញថា រោគសញ្ញាភាគច្រើននៃជំងឺគាំងបេះដូងគឺការឈឺដើមទ្រូង។
តាមការកត់សម្គាល់បានបង្ហាញថា អ្នកមានបញ្ហាបេះដូង តែងមានអាការៈដូចជាមានអ្វីមួយសង្កត់ រឹតធ្ងន់ ណែននៅក្នុងទ្រូង។ ចំពោះការឈឺចាប់ នៅពេលខ្លះមានការរាលដាលដល់ស្មារ ដៃខាងឆ្វេង និងកន្លែងផ្សេងៗទៀតដូចជាខ្នង ថ្គាម ក ឬដៃខាងស្តាំ ជាដើម ។
ក្នុងចំណោមអ្នកមានជំងឺបេះដូង តែងតែមានរោគសញ្ញាណាមួយដូចខាងក្រោមនេះ ៖
– ក្រហាយក្បាលពោះខាងលើ ហើយច្រើនតែច្រឡំនឹងការក្រហាយដើមទ្រូង
– ចង់ក្អួតចង្អោរ
– ពិបាកក្នុងការដកដង្ហើម
– មានអារម្មណ៍ថាបេះដូង ញ័រខុសធម្មតា
– មានអារម្មណ៍ថា ខ្សោយ ឬអស់កម្លាំង
– មានអារម្មណ៍ថា វិលមុខ
ប្រសិនបើមានអាការះដូចរៀបរាប់ខាងលើនេះ សូមស្វែងរកគ្រូពេទ្យជំនាញដើម្បីពិគ្រោះយោបល់ និងព្យាបាល មិនគួរពន្យារពេល ឬមើលស្រាលរោគសញ្ញាបែបនេះឡើយ៕ដោយ៖រដ្ឋា
