សុំស្នេហ៍នាងមិនព្រម យកខ្សែរឹត ក. សម្លាប់រួចលេបថ្នាំធ្វើអត្តឃាតតាមក្រោយ
ភ្នំពេញ៖ ករណីឃាតកម្មដែលបង្កឡើងផ្តើមពីសេចក្តីស្នេហាដោយខាងប្រុស សុំស្រឡាញ់នាងមិនបានក៏បានដាច់ចិត្ត សម្លាប់នាងហើយលេបថ្នាំសំលាប់ខ្លួន។
ហេតុការណ៏ភ្ញាក់ផ្អើលនេះបានកើតឡើងនៅវេលាម៉ោង៩និង៣០នាទីព្រឹកថ្ងៃទី២៤ ខែធ្នូ ឆ្នាំ២០១៥ ស្ថិតនៅ ក្រុម៦ភូមិព្រៃល្វា សង្កាត់ចោមចៅខណ្ឌពោធិសែនជ័យ។
ប្រភពព័ត៍មានពីស្ត្រីដែលជាម្តាយនារីរងគ្រោះខាងលើបានឲ្យដឹងថា កូនស្រីរបស់គាត់មានឈ្មោះ ស៊ុន គន្ធិ អាយុ២២ឆ្នាំ មុខរបរលក់អីវ៉ាន់ចាបហ៊ួយនៅផ្ទះ ។
ចំពោះភាគីបុរសមិនទាន់ស្គាល់អត្តសញ្ញាណនៅឡើយទេ ដោយគ្រាន់តែដឹងថា ជារៀងរាល់ថ្ងៃ បុរសខាងលើតែងតែមកទិញអីវ៉ាន់ កូនស្រីរបស់គាត់ហើយក៏បានសុំស្រឡាញ់កូនស្រីរបស់គាត់ ប៉ុន្តែកូនស្រីរបស់គាត់បានបដិសេធមិនព្រម។
ប្រភពបន្តថា លុះដល់ថ្ងៃកើតហេតុខាងលើបុរសខាងលើ បានចូលមកទិញកាតទូរស័ព្ ទ ឆ្លៀតពេលនោះឃើញនាងនៅតែម្នាក់ឯង ទើបបុរសខាងលើបានអូសដៃនាងរុញចូលបន្ទប់របស់នាងយកខ្សែស្បែកជើងរឹតកសំលាប់នាង រួចបានដើរទៅបន្ទប់របស់គេដែលនៅចំងាយ១០០ម៉ែត្របិទទ្វារបន្ទប់លេបថ្នាំសម្លាប់ខ្លួនងងងស្លាប់តែម្តង។
បច្ចុប្បន្នសាកសពនារីខាងលើ ត្រូវក្រុមគ្រួសារធ្វើបុណ្យតាមប្រពៃណីចំណែក សាកសពបុរសដែលមិនទាន់ស្គាល់អត្តសញ្ញាណនោះ សម្ថកិច្ចកំពុងស្រាវជ្រាវរកក្រុមគ្រួសារដើមប្បីមកទទួលយកទៅធ្វើបុណ្យនៅពេលក្រោយ៕ ដោយ៖សួង សាម
