ខេត្តកំពត៖ប្តីប្រពន្ធមួយគូបើករថយន្តឡិចស៊ីល Rx ៣៣០ មួយគ្រឿងក្នុងល្បឿនលឿនរេចង្កូតបុកចេត្តិយ៍បណ្តាលឲ្យស្ត្រីជាប្រពន្ធរងរបួសធ្ងន់ និងប្តីរងរបួសស្រាល រីឯរថយន្តរងការខូចខាតមួយចំហៀងមុខ។ ហេតុការណ៍នេះកើតឡើងកាលពីរសៀលថ្ងៃទី១៥ ខែឧសភា ឆ្នាំ២០១៦លើកំណាត់ផ្លូវជាតិលេខ៣៣ស្ថិតក្នុងភូមិកោះខ្លូត ឃុំកំពង់ត្រាចខាងកើត ស្រុកកំពង់ត្រាចខេត្តកំពត។មានករណីគ្រោះថ្នាក់ចរាចរណ៍មួយបានកើតឡើងរៀងរថយន្ត ទិសដៅពីត្បូងទៅជើង។
តាមប្រភពពីប្រជាពលរដ្ឋនៅកន្លែងកើតហេតុបានអោយដឹងថា មុនពេលកើតហេតុពួកគេបានឃើញប្តីប្រពន្ធបើករថយន្តម៉ាកឡិចស៊ីសRx330 ពាក់ស្លាក់លេខភ្នំពេញ2Y9219យ៉ាងលឿនក្នុងគោលដៅទៅក្រុងភ្នំពេញ ស្រាប់តែមកដល់ចំណុចកើតហេតុមិនដឹងយ៉ាងម៉េចស្រាប់តែឃើញរេចង្កូតទៅបុកផ្ទប់នឹងចេត្តិយ៍របស់ប្រជាពលរដ្ឋយ៉ាងពេញទំហឹង បណ្តាលអោយរងរបួសធ្ងន់ និងស្រាល ដោយស្ត្រីជាប្រពន្ធរងរបួសធ្ងន់ តែមិនបណ្តាលអ្នកផ្សេងរងគ្រោះឡើយ។ករណីកើតហេតុខាងលើនេះសមត្ថកិច្ចនៅនឹងកន្លែងកើតហេតុបញ្ជាក់ប្រាប់ថា:បុរស់បើករថយន្តឈ្មោះត្រាំង ខាន់ភេទប្រុស អាយុ៤៥ឆ្នាំជាជនជាតិវៀតណាមចំណែប្រពន្ធឈ្មោះដា វីភេទស្រី អាយុ២៩ឆ្នាំជនជាតិវៀតណាមដូចគ្នា បច្ចុប្បន្នទាំងពីរនាក់ប្តីប្រពន្ធស្នាក់អចិន្ត្រៃក្នុងប្រទេសកម្ពុជាស្ថិតក្នុងសង្កាត់និរោធ ខណ្ឌច្បារអំពៅរាជធានីភ្នំពេញ។
ក្រោយពេលកើតហេតុជនរងគ្រោះពីនាក់ប្តីប្រពន្ធត្រូវរថយន្តសាមុយនៃមន្ទីរពេទ្យបង្អែកស្រុកកំពង់ត្រាចដឹកយកទៅព្យាបាលនៅប្រទេសវៀតណាម ឯរថយន្តជនរងគ្រោះសមត្ថកិច្ចស្ទូចយកទៅរក្សាទុកនៅអធិការដ្ឋាននគរបាលស្រុកកំពង់ត្រាចរង់ចាំដោះស្រាយនៅពេលក្រោយ៕
