រាជធានីភ្នំពេញ៖ជនជាតិចិនមួយក្រុមស្រវឹងជោកបើករថយន្តឡិចស៊ីស 570មួយគ្រឿងទៅបុកម៉ូតូមួយគ្រឿងដែលជិះគ្នា៣នាក់ម្តាយ និងកូនចេញពីកោះពេជ្របណ្តាលឲ្យក្មេងតូចៗ ២នាក់រងរបួសធ្ងន់ ដែលហេតុការណ៍នេះកើតឡើងនាម៉ោង១១ និង៣០នាទីយប់ថ្ងៃទ២៩ ខែកក្កដា ឆ្នាំ ២០១៦ ស្ថិតនៅក្នុងសង្កាត់ ទន្លេបាសាក់ ខណ្ឌចំការមន។
ប្រភពពីកន្លែងកើតហេតុបានឲ្យដឹងថា នៅមុនពេលកើតឡើងគេបានឃើញ ជនជាតិចិនមួយក្រុមសុទ្ធតែស្រវឹង បើករថយន្ត មួយគ្រឿង ម៉ាកឡិចស៊ីស 570 ពណ៌ស ស្លាកលេខភ្នុំពេញ2M-9158 ចេញពីម្តុំកោះពេជ្រ លុះមកដល់ត្រង់ស្ពាន ហង្ស ក៏មានម៉ូតូមួយគ្រឿងម៉ាកPCX ដែលជិះគ្នា៣នាក់ ម្តាយកូន មកដល់ធ្វើឲ្យ វ៉ាក់ជាមួយគ្នាក៏បានបុកគ្នាពេញទំហឹងបណ្តាលឲ្យកូនតូចៗ ២នាក់រងរបួសធ្ងន់ ចំណែកម៉ូតូ និងរថយន្តរងការខូចខាតផងដែរ។
ក្រោយកើតហេតុ ភាគីខាងរថយន្ត ជជែកគ្នា និងសងសំណងទៅឲ្យភាគី ខាងម៉ូតូចំនួន ២៨០០ដុល្លារ ដើម្បីបញ្ចប់រឿងនៅកន្លែងកើតហេតុតែម្តង៕
