ម្សិលមិញឃាត់ខ្លួនមនុស្ស១៧នាក់ពាក់ព័ន្ធបទល្មើសគ្រឿងញៀន
រាជធានីភ្នំពេញ៖នៅថ្ងៃទី២៩ ខែកក្កដា ឆ្នាំ២០១៦ម្សិលមិញនេះកម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់ គ្រឿងញៀន ៩ករណី ឃាត់ខ្លួនមនុស្ស ១៧នាក់ ក្នុងនោះមុខសញ្ញាជួញដូរ ១១នាក់, មុខសញ្ញាប្រើប្រាស់ ៦នាក់និងរឹបអូសបានមេតំហ្វេតាមីន(ice) ២.៦៦ក្រាមនិង១២កញ្ចប់តូច មេតំហ្វេតាមីន(wy) ៧គ្រាប់។
យោងតាមរបាយការណ៍របស់អគ្គស្នងការនគរបាលជាតិបានបញ្ជាក់ថា ទីតាំងដែលបង្ក្រាបបានមាន៖ ទី១. រាជធានីភ្នំពេញ បង្រា្កប ១ករណីឃាត់ខ្លួនម្នាក់,ទី២. កណ្ដាល បង្រា្កប ៣ករណីឃាត់ខ្លួន ៦នាក់, ទី៣. ពោធិ៍សាត់ បង្រា្កប ១ករណី ឃាត់ខ្លួនម្នាក់, ទី៤.សៀមរាបបង្រា្កប ២ករណី ឃាត់ខ្លួន ៧នាក់ ,ទី៥.បន្ទាយមានជ័យ បង្រា្កប ១ករណីឃាត់ខ្លួន ម្នាក់ និង៦.ព្រៃវែង បង្រា្កប ១ករណីឃាត់ខ្លួន ម្នាក់៕
