រាជធានីភ្នំពេញ៖អ្នករាយការណ៍ពិសេសរបស់អង្គការសហប្រជាជាតិទទួលបន្ទុកផ្នែកសិទ្ធិមនុស្ស លោកស្រី រ៉ូណា ស្មីត នឹងធ្វើសន្និសីទកាសែតនាវេលាម៉ោង ៣ និង០០រសៀលថ្ងៃទី១៩ ខែតុលា ឆ្នាំ២០១៦នេះ នៅការិយាល័យសិទ្ធិមនុស្ស អង្គសហប្រជាជាតិប្រចាំកម្ពុជា (OHCHR) មុននឹងបញ្ចប់ដំណើរទស្សនកិច្ចនៅកម្ពុជា ។ គេចាំមើលថា តើមន្ត្រី UN ម្នាក់នេះ នឹងនិយាយអ្វីខ្លះពីបញ្ហាសិទ្ធិមនុស្សនៅកម្ពុជា ព្រោះកន្លងទៅមន្ត្រី UN មិនដែលនិយាយល្អពីកម្ពុជានោះឡើយ ។
គួរបញ្ជាក់ថា លោកស្រី រ៉ូណា ស្មីត ត្រូវបានអង្គការសហប្រជាជាតិ តែងតាំងជាអ្នកឃ្លាំមើល និងរាយការណ៍ពីបញ្ហាសិទ្ធិមនុស្ស នៅប្រទេសកម្ពុជា ជំនួសលោក សូរិយា ប្រាសាទស៊ូប៊ែឌី ក្នុងខែមីនា ឆ្នាំ២០១៥។ លោកស្រី បានធ្វើដំណើរទស្សនកិច្ចមកកាន់ប្រទេសកម្ពុជាជាផ្លូវការ លើកដំបូងកាលពីខែកញ្ញា ឆ្នាំ២០១៥។ កាលពីខែមីនា ឆ្នាំ២០១៦ អ្នករាយការណ៍ពិសេសរូបនេះ ក៏បានមកបំពេញទស្សនកិច្ចនៅកម្ពុជារយៈពេល១០ថ្ងៃដែរ៕
