ដោយ៖ប៉ែនសុផល
ខេត្តបាត់ដំបង៖ប្រជាពលរដ្ឋរស់នៅតំបន់ច្រកទ្វាអន្ដរជាតិដូងក្នុងស្រុកកំរៀង ខេត្តបាត់ដំបងនៅថ្ងៃទី៥ ខែកុម្ភះ ឆ្នាំ២០១៧នេះបានរិះគន់ចំៗលើមន្ដ្រីអន្ដោរប្រវេសន៍២រូបដែលរកស៊ីដឹកទំនិញចូលមិនបង់ពន្ធពីទឺកដីថៃបានយ៉ាងរលូនខុសឆ្ងាយពីពលរដ្ឋសូម្បីតែមាន់មួយក៍មិនអោយរួចខ្លួន។
ប្រជាពលរដ្ឋឈ្មោះ ល ស បានរៀបរាប់ប្រាប់(មេគង្គប៉ុស្តិ៍)អោយដឹងថា មន្ដ្រីនគរបាលអន្ដោប្រវេសន៍ប្រចាំតំបន់ច្រកទ្វាអន្ដរជាតិដូងចំនួន២រូបជារៀងរាល់ថ្ងៃពិសេសនៅពេលល្ងាចបានចូលដឹកជញ្ជូនទំនិញជាច្រើនប្រភេទពីទីផ្សារក្នុងទឹកដីថៃតាមរថយន្ដកាម៉ារីស្វិតចំនួន២គ្រឿងដោយ១គ្រឿងពណ៌កណ្ដុរប្រមេះ និង១គ្រឿងទៀតពណ៌ស ការដឹកជញ្ជួននេះគេឃើញមន្ដ្រីនគរបាលអន្ដោរប្រវេសន៍ជាអ្នកដឹកផ្ទាល់តែម្ដងដែលម្នាក់ឈ្មោះហែម វិបូឡានិងម្នាក់ទៀតឈ្មោះ ស្វាយ សំអាត។
មុខទំនិញដែលមន្ដ្រីនគរបាលអន្ដោរប្រវេសន៍ដឹកជញ្ជួនជារៀងរាល់នេះមានចំរុះតាមតម្រូវការទីផ្សារក្នុងស្រុកដូចជាភេសជ្ជះតែអូឈិ អង្កឬមីជាដើម ជួនដឹកពេញក្នុងឡាន និងជួនកាលដឹកពេញក្នុងឡានហើយតឡើងលើយ៉ាងខ្ពស់នៅផ្នែកលើឃ្លុបឡានថែមទៀតដោយត្រូវគ្នាគេចវេសមិនបង់ពន្ធទាំងខ្លួនជាមន្ដ្រីអនុវត្តច្បាប់បានប្រព្រឹត្តអំពើបែបកន្ទេលធំ បន្លំដេក បានធ្វើអោយប្រជាកសិករតូចទាបមានការមិនពេញចិត្តនិងឈឺចាប់ជាខ្លាំងព្រោះមិនមានភាពស្មើគ្នា។
ប្រភពមួយផ្សេងទៀតដែលផ្ដល់ព៌តមានអោយត្រឹមថតតែសម្លេងបានបង្ហើបអោយដឹងដែរថា មុខជំនួញកណ្ដៀរពួនដីបែបដុំកំភួនមិនមែនជាលក្ខណះបន្ទាប់បន្សំក្រៅពីការងាររាជការរបស់មន្ដ្រីនគរបាលអន្ដោរប្រវេស២រូបខាងលើអាចជាការផ្ដល់ភ្លើងខៀវពីប្រធានការិយាល័យនគរបាលអន្ដោរប្រវេសប្រចាំច្រកអន្ដរជាតិនេះទើបការរកស៊ីខុសច្បាប់នេះមានភាពរលូនរាប់ឆ្នាំមកហើយ ដែលជំនូញនេះដែរខុសគ្នាដាច់សែនឆ្ងាយជាមួយនិងប្រជាពលរដ្ឋធម្មតាសូម្បីតែមាន់មួយ កូនធុងបាស់មួយឬអង្ករមួយការរ៉ុងដែលប្រជាកសិករទិញពីថៃសម្រាប់ហូបក៍នគរបាលអន្ដោប្រវេសន៍ប្រចាំច្រកអន្ដរជាតិដូងមិនមានការអនុគ្រោះ ឬលើកលេងឡើយទាយកលុយអោយខានតែបានចំនួន៣០០បាតឬ៥០០បាតគឺត្រូវតែបាន បើមិនបានមិនអនុញ្ញាតអោយចេញ។
ទាក់ទងទៅនឹងការលើកឡើងរិះគន់របស់ប្រជាកសិករជាច្រើននេះ(មេគង្គប៉ុស្តិ៍)មិនអាចសុំការបំភ្លឺពីលោក សៅ ប៊ុនរឹទ្ធ ប្រធាននគរបាលអន្ដោប្រវេសន៍ប្រចាំច្រកអន្ដរជាតិដូងបានឡើយតាមទូរស័ព្ទទោះជាច្រើនលើក លោក សៅ ប៊ុនរឹទ្ធដាក់កម្មវិធីអោយជាប់រវល់ និងខ្សែទី២មិនលើកទូរស័ព្ទតែម្ដង៕
