តុលាការមិនអនុញ្ញាតឲ្យតំណាងរាស្ត្រ CNRP ចូលជួបលោក កឹម សុខា
រាជធានីភ្នំពេញ ៖ តុលាការរាជធានីភ្នំពេញបានបដិសេធសំណើរបស់ លោក ម៉ៅ មុនីវណ្ណ តំណាងរាស្ត្រគណបក្សសង្គ្រោះជាតិ ដែលស្នើសុំសួរសុខទុក្ខ លោក កឹម សុខា នៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ខណដែលតុលាការបញ្ជាក់ថា ដោយសារតែសំណុំរឿង លោក កឹម សុខា កំពុងស្ថិតនៅក្នុងចំណាត់ការស៊ើបសួរ និងស្រាវជ្រាវប្រមូលភស្តុតាងនានា ហើយចៅក្រមមិនទាន់បានសាកសួរជនត្រូវចោទនៅឡើយ ។
សូមបញ្ជាក់ថា កាលពីថ្ងៃទី១៤ ខែកញ្ញា ឆ្នាំ២០១៧នេះ លោក ម៉ៅ មុនីវណ្ណ បានដាក់លិខិតទៅ សាលាដំបូងរាជធានីភ្នំពេញ ដើម្បីស្នើសុំឱ្យរូបលោក និងសមាជិកគណបក្សសង្គ្រោះជាតិ ១១នាក់ផ្សេងទៀត ចូលសួរសុខទុក្ខ លោក កឹម សុខា នៅពន្ធនាគារត្រពាំងផ្លុង នាថ្ងៃទី១៨ ខែកញ្ញា ឆ្នាំ២០១៧៕
