ភ្នំពេញ ៖ រថយន្ដក្រឡុកស៊ីម៉ងត៍បុកម៉ូតូបុរសម្នាក់ជាសន្ដិសុខសណ្ដាប់ធ្នាប់ខណ្ឌសែនសុខពីក្រោយពេញមួយទំហឹងរួចកោនបែកក្បាលស្លាប់ភ្លាមៗ មួយរំពេចហេតុការណ៍គ្រោះថ្នាក់ចរាចរណ៍នេះបង្កការភ្ញាក់ផ្អើលកាលពីវេលាម៉ោង ៦និង៣០នាទីល្ងាចថ្ងៃទី១២ ខែវិច្ឆិកាឆ្នាំ២០១៧ នៅចំណុចមុខផ្សារជិនជូរី តាមបណ្ដោយផ្លូវ២០១ឯកែងផ្លូវសហព័ន្ធរុស្សី សង្កាត់កាកាប១ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះមានឈ្មោះ វិន វឿន អាយុ៤៥ឆ្នាំមុខរបរ សន្ដិសុខសណ្ដា ប់ធ្នាប់ខណ្ឌសែនសុខ មានទីលំនៅភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានប្រាប់អោយដឹងថា មុនពេលកើតហេតុគេបានឃើញបុរសម្នាក់ដែលស្លៀកពាក់ឯកសណ្ឋានជាសន្ដិសុខដោយជិះម៉ូតូមួយគ្រឿងម៉ាក WAVE A ពណ៌ខ្មៅដែលពាក់ស្លាកលេខ ភ្នំពេញ1BP-3596 ដែលធ្វើដំណើរតែម្នាក់ឯងក្នុងទិសដៅពីជើងទៅត្បូងតាមបណ្ដោយផ្លូវ២០១១ កែងនិផ្លូវសហព័ន្ធរុស្សី ស្រាប់ពេលនោះក៏មានរថយន្ដក្រឡុកស៊ីម៉ងត៍មួយគ្រឿងពាក់ស្លាកលេខភ្នំពេញ5A-1583 ដែលធ្វើដំណើរស្របទិសគ្នា លុះមកដល់ចំណុចកើតហេតុរថយន្ដក្រឡុកស៊ីម៉ងត៍បានបុកម៉ូតូបុរសដែលជាសន្ដិសុខសណ្ដាប់ធ្នាប់ខណ្ឌសែនសុខពីក្រោយពេលមួយទំហឹងបណ្ដាលអោយម៉ូតូខ្ទេចទៅចញ្ចើមផ្លូវចំណែកបុរសរងគ្រោះត្រូវរថយន្ដក្រឡុកស៊ីម៉ងត៍កិនបែកក្បាលស្លាប់មួយរំពេចនៅកន្លែងកើតហេតុ ។
ដោយឡែករថយន្ដក្រឡុកស៊ីម៉ងត៍ដែលបង្កហេតុនោះបានបើកគរចពីកន្លែងកើតហេតុប្រហែល៥០០ម៉ែត្រទើបឈប់រថយន្ដបម្រុងរតមគេចខ្លួនតែត្រូវប្រជាពលរដ្ឋចាប់ប្រគល់អោយសមត្ថកិច្ច ខណ្ឌពោធិ៍សែនជ័យភ្លាមៗ ។
ក្រោយពេលកើតហេតុកម្លាំងសមត្ថកិច្ចបានចុះមកដល់កន្លែងកើតហេតុដោយជួយសម្រួលចរាចរណ៍ និងទាកទងទៅសមត្ថកិច្ចជំនាញចុះមកធ្វើការវាស់វែងនិងអួសរថយន្ដនិងម៉ូតូទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រា យគ្នាតាមផ្លូវច្បាប់នាពេល ក្រោយ ៕
