រតនគិរី៖ បុរស២នាក់បានស្លាប់ដាច់ ដោយឡែកពីគ្នា នៅខេត្តរតនគិរី។បុរសដែលស្លាប់នៅស្រុកលំផាត់ គេឃើញមានស្លាកស្នាមរបួសធ្ងន់ធ្ងរ ចំណែកអ្នកស្លាប់នៅសង្កាត់ឡាបានសៀក ស្លាប់ដោយមានខ្សែអង្រឹងចងរុំជាប់នៅនឹងក។
ហេតុការណ៍ភ្ញាក់ផ្អើលករណីមានមនុស្សស្លាប់ទាំងពីរខាងលើនេះ បានកើតឡើងកាលពីព្រឹកថ្ងៃទី២៩ ខែឧសភា ឆ្នាំ២០១៥ ដូចគ្នា គឺករណីឃាត កម្មស្ថិតនៅក្នុងចំការម្រេច ភូមិសាយ៉ល់លើ ឃុំកាឡែង ស្រុកលំផាត់ ចំណែកករណីចងកសម្លាប់ខ្លួនកើតឡើងនៅភូមិអូររមៀត សង្កាត់ឡាបានសៀក ក្រុងបានលុង ខេត្តរតនគិរី ។
ជនរងគ្រោះក្នុងរឿងឃាតកម្ម ឈ្មោះ ពេជ្រ សាន ភេទ ប្រុស អាយុ ៥១ឆ្នាំជនជាតិខ្មែរមុខរបរអ្នកធ្វើចំការត្រូវបានឃាតករវាយនឹងពូថៅ និងដំបងចំក្បាលបណ្ដាលអោយស្លាប់នៅនឹងកន្លែងកើតហេតុ។ជនសង្ស័យសមត្ថកិច្ចបានកំណត់មុខសញ្ញារួចហើយ និងកំពុងស្វែងរកការចាប់ខ្លួនយកមកផ្តន្ទាទោសតាមច្បាប់។
ចំណែកករណីចងកសម្លាប់ខ្លួន កើតឡើងនៅក្រុងបានលុង ត្រូវបានគេរាយការណ៍ថា ជនរងគ្រោះទំនងជាមានវិបត្តិផ្លូវចិត្ត ព្រោះក្នុងគ្រួសាររបស់គេតែងតែឮសូរឈ្លោះគ្នាជាញឹកញាប់។លុះមកដល់ថ្ងៃកើតហេតុស្រាប់តែប្រទះឃើញបុរសនោះស្លាប់ដោយមានខ្សែចងកតែម្តង។
អត្តឃាតនេះ បានកើតឡើងនៅក្នុងផ្ទះរបស់ជនរងគ្រោះ ។
ស្ត្រីជាប្រពន្ធបានប្រាប់សមត្ថកិច្ចថា ប្តីរបស់គាត់មានជំងឺពោះវៀនទើបធ្វើការវះកាត់ហើយបាន៤-៥ខែ ហើយការរស់នៅមិនសូវចុះសម្រុងគ្នាទេ គាត់ចេះតែរអួរទាំរករឿងច្រើនស្ទើរតែរៀងរាល់ថ្ងៃ។ បី្តគាត់នៅដេកនៅក្នុងខ្ទមតែម្នាក់ឯងចំណែកគាត់និងកូនបាននាំគ្នា ទៅដេកនៅផ្ទះសាច់ញាតិជិតខាងជារៀងរាល់ថ្ងៃ។
ប្រភពបន្តថា សព្វដងនៅម៉ោង៥-៦ព្រឹកគាត់តែងតែឃើញប្តីគាត់ក្រោកពីព្រលឹមធ្វើ នេះធ្វើនោះតែថ្ងៃនេះមិនឃើញគាត់ក្រោកដូចធម្មតា គាត់ក៏ចូលទៅដាស់ក៏ស្រាប់តែឃើញបី្តគាត់ដេកលើគ្រែសំយ៉ុងជើងឡើង រឹងបាត់ទៅហើយដោយឃើញមានខ្សែអង្រឹងជាប់នៅកទៀតផង៕ រដ្ឋា
ជនរងគ្រោះដោយអំពើឃាតកម្ម
ជបុរសស្លាប់ដោយចង ក និងរូបភាពផ្ទះថ្ងៃកើតហេតុ
