លោកសុខ ប៊ុន មកដល់ភ្នំពេញដោយខ្លួនឯង ហើយត្រូវនាំខ្លួនចូលតុលាការនៅព្រឹកនេះ(មានវីដេអូ)
ភ្នំពេញ ៖ លោក សុខ ប៊ុន ដែលជាប់ ចោទពីការប្រើអំពើហិង្សាទៅលើកញ្ញា សាសា បានមកដល់ព្រលានយន្តហោះអន្តរជាតិភ្នំពេញវិញហើយកាលពីម៉ោង០៨:៥០នាទី ថ្ងៃទី១៨ ខែកក្កដា ឆ្នាំ២០១៥ ព្រឹកមិញនេះ។
លោក សុខ ខេមរិន្ទ ប្រធាននាយកដ្ឋានព្រហ្មទណ្ឌ ក្រសួងមហាផ្ទៃ បានឲ្យដឹង ថាការមកដល់របស់លោក សុខ ប៊ុន មិនមានការចាប់បញ្ជូនពីប៉ូលិសអន្តរជាតិ (ប៉ូលិសអាំងទែរប៉ូល)នោះទេ គឺការចូលមកដោយខ្លួនឯង ដើម្បីដោះស្រាយបញ្ហាតាមផ្លូវច្បាប់ តាមការអំពាវនាវរបស់នាយករដ្ឋមន្ត្រីនៃប្រទេសកម្ពុជា ។
លោក សុខ ខេមរិន្ទ បញ្ជាក់បន្តថា បន្ទាប់ពីមកដល់ព្រលានយន្តហោះអន្តរជាតិភ្នំពេញ នៅវេលាម៉ោងជិត៩ ព្រឹកនេះ លោក សុខ ប៊ុន ត្រូវនាំខ្លួនទៅកាន់សាលាដំបូងរាជធានីភ្នំពេញតែម្តង ដើម្បីសួរនាំទៅលើសំណុំរឿងប្រព្រឹត្តអំពើហិង្សាលើកញ្ញា សាសា បន្តតាមនីវិធី ៕
