ក្រចេះ ៖ សមត្ថកិច្ចកំពុងតាមស្វែងរកចាប់ខ្លួនគ្រូពេទ្យម្នាក់នៅផ្នែកវះកាត់ក្នុងមន្ទីរពេទ្យបង្អែកខេត្តដែលជាប់ចោទពីបទ(ចាក់ថ្នាំសណ្តំ)រំលោភសេពសន្ធវៈលើស្ត្រីម្នាក់ដែលមកថែទាំកំដប្តីរបស់ខ្លួនមានជំងឺត្រូវសម្រាកព្យាបាល។
អ្នកឆ្លើយឆ្លងព័ត៌មានពីខេត្តក្រចេះបានឲ្យដឹងថា គ្រូពេទ្យ(គិលា នុប្បដ្ឋាកថែទាំ)ផ្នែកជំនាញវះកាត់ម្នាក់ បានធ្វើសកម្មភាពសេពសន្ធវៈលើស្ត្រីម្នាក់ដែលមកសម្រាកថែទាំជំងឺប្តី ក្នុងមន្ទីរពេទ្យបង្អែកខេត្តក្រចេះ កាលពីព្រឹកថ្ងៃទី១៨ ខែកក្កដា ឆ្នាំ២០១៥។បន្ទាប់ពីសេពសន្ធវះប្រពន្ធអ្នកជំងឺទាំងព្រឹករួចមក គ្រូពេទ្យរូបនោះបានរត់គេចខ្លួនបាត់ស្រមោលភ្លាមៗតែម្តង។
យោងតាមរបាយការណ៍ ប្តីនារីរងគ្រោះមានជំងឺធ្ងន់ ហើយបានឲ្យប្រព័ន្ធនាំខ្លួនមកសម្រាកក្នុងពេទ្យ និងឲ្យនៅកំដថែទាំសុខភាពទម្រាំដល់ពេលចេញពីពេទ្យ ប៉ុន្តែក្នុងពេលដែលខ្លួនកំពុងដេកលក់ នៅវេលាម៉ោង០៧:៣០នាទីព្រឹក ថ្ងៃទី១៨ ខែកក្កដា ឆ្នាំ២០១៥ ស្រាប់តែឃើញគ្រូពេទ្យជំនាញផ្នែកវះកាត់ម្នា់កឈ្មោះ ហេង ម៉េងលាង បានហៅប្រពន្ធរបស់ខ្លួនឲ្យចូលក្នុងបន្ទប់ពិសោធន៍ ដោយភូតកុហកថា ត្រូវបូមឈាម ដើម្បីយកទៅជួយសង្គ្រោះប្តី ។ លុះពេលចូលទៅដល់ក្នុងបន្ទប់ គ្រូពេទ្យខាងលើនេះបានកាន់ម្ជុល២ មួយតូច មួយធំ បានចាក់ទៅលើប្រពន្ធរបស់ខ្លួន(អាចជាថ្នាំសន្លប់)រួចទើបគ្រូពេទ្យនេះបានធ្វើសកម្មភាពរំលោភបានសម្រេច ។
ប្រភពដដែលបន្តថា ពេលដឹងខ្លួនឡើងប្រពន្ធរបស់ខ្លួនបានស្រែកទ្រហ៊ោយំ រត់មកប្រាប់ខ្លួនរាល់រឿងហេតុករណីចាប់រំលោភនេះ ទើបមានការឆោឡោភ្ញាក់ផ្អើលដល់បុគ្គលិកមន្ទីរពេទ្យ និងអ្នកជំងឺពេញពេទ្យ ហើយបានទៅប្តឹងសមត្ថកិច្ចចុះមកពិនិត្យនៅកន្លែងកើតហេតុ។
បច្ចុប្បន្ន សមត្ថកិច្ចកំពុងតាមស្វែងរកចាប់ខ្លួនគ្រូពេទ្យចរឹតអមនុស្សធម៌រូបនោះដើម្បីយកមកផ្តន្ទាទោសតាមច្បាប់ជាធរមាន៕ដោយ៖រដ្ឋា
