ក្រុមជំនាញការនៅសកលវិទ្យាល័យ ផេនស៊ីលវ៉ានៀ បានបញ្ជាក់ថា ដើម្បីផ្តាច់ជំងឺញៀនស្រា គេអាចប្រើថ្នាំ topiramate ដែលជាប្រភេទថ្នាំត្រូវបានប្រើ ដើម្បីព្យាបាលជំងឺឆ្កួតជ្រូក និងជំងឺប្រកាំង ។
អ្នកវិទ្យាសាស្ត្រ បានពិសោធន៍ទៅលើអ្នកស្ម័គ្រចិត្តចំនួន ១៣៨ នាក់ ក្នុងនោះមាន ៦២,៣% ជាបុរស ត្រូវបានចែកជា ២ ក្រុម តាមលក្ខណៈព្យាបាល និងសុទ្ធតែត្រូវបានឧទ្ទេសនាម អំពីវិធីផ្តាច់ស្រា ។ ក្នុងរង្វង់ ១២ សប្តាហ៍ ក្រុមទី១ ត្រូវបានឲ្យលេបថ្នាំ topiramate កម្រិត ២០០ មីលីក្រាម(200 mg) ក្នុង ១ ថ្ងៃ ចំណែកក្រុមទី ២ ប្រើថ្នាំក្លែងបន្លំ ។
ក្រោយពេលបញ្ចប់ ១២ សប្តាហ៍នៃការពិសោធន៍នោះ ពួកអ្នកវិទ្យាសាស្ត្រ បានកត់សម្គាល់ថា ថ្នាំ topiramate បានជួយបន្ថយបាន ៥ ដង នៃបរិមាណស្រា ដែលទទួលទានចូល និងចាប់ផ្តើមបង្កើនបាន នូវចំនួនថ្ងៃមិនទទួលទានស្រា ទន្ទឹមនោះ បន្ថយបានតួលេខ gamma-glutamyl transpeptidase លក្ខណៈសម្គាល់ពិសេស សម្រាប់ថ្លើមខ្សោយ ដោយសារស្រា ៕
