ឯកឧត្ដម ឯក ឃុនដឿន អភិបាលរងរាជធានី និងលោកគៀង ល័ក្ស អភិបាលខណ្ឌចំការមន នាព្រឹកថ្ងៃទី១១ កុម្ភៈនេះបានដឹកនាំអាជ្ញាធរនិងមន្ត្រីជំនាញពាក់ព័ន្ធ ចុះធ្វើសកម្មភាព កាត់ទម្លាក់បណ្តាញខ្សែកាប្លិអុបទិក លើអាកាសមករត់ចូលក្នុងបណ្តាញបំពង់ក្រោមដីវិញនៅលើផ្លូវលេខ៤៦៦ និងវិថីព្រះត្រសក់ផ្អែម (ផ្លូវលេខ ៦៣) ស្ថិតក្នុងសង្កាត់ទន្លេបាសាក់ ខណ្ឌចំការមន ដើម្បីលើកកម្ពស់សោភណភាពរាជធានីភ្នំពេញឱ្យកាន់តែល្អស្រស់បំព្រង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Y9Ii0dJjQAI

ក្រសួងអប់រំ យុវជន និងកីឡា បានចេញសេចក្តីណែនាំ ៧ចំណុច ពីវិធានការទប់ស្កាត់សកម្មភាពមិនប្រក្រតីក្នុងទិវានៃក្តីស្រឡាញ់ នៅតាមគ្រឹះស្ថានសិក្សាសាធារណៈ និងឯកជន និងភាគីពាក់ព័ន្ធដើម្បីកុំឱ្យសិស្សានុសិស្សយល់ច្រឡំថា ថ្ងៃ១៤ កុម្ភៈ ជាថ្ងៃបុណ្យសង្សារ ឬថ្ងៃណាត់ជួបគូស្នេហ៍ ដែលធ្វើឱ្យប្រាសចាក និងប្រព្រឹត្តខុសពីវប្បធម៌របស់ខ្មែរ។ នេះបើតាមផេកក្រសួង នៅថ្ងៃទី១១ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/0Oh1dXV4JHQ

ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះ បណ្តាលវិជ្ជាជីវៈ នាព្រឹកថ្ងៃពុធ ទី១២ ខែកុម្ភៈ ឆ្នាំ ២០២៥នេះ បានចុះជួបបងប្អូនកម្មករនិយោជិត និងពិនិត្យមើលស្ថានភាព រោងចក្រ ហ្វ័រម៉ាត (ខេមបូឌា) ខូ អិលធីឌី (FOREMART (CAMBODIA) CO., LTD.) ដែលត្រូវបានអគ្គិភ័យឆាបឆេះ កាលពីល្ងាច ថ្ងៃអង្គារ ទី១១ ខែកុម្ភៈ ឆ្នាំ២០២៥ វេលាម៉ោង ១៨:៣០នាទី។ សហគ្រាស ហ្វ័រម៉ាត (ខេមបូឌា) ខូ អិលធីឌី ដែលមានទីតាំងស្ថិតភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ មានកម្មករនិយោជិតបម្រើការងារសរុប ៤៦៦នាក់ (ស្រី៣១០នាក់)។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/x3mnNoZPDgs

គណៈប្រតិភូគណៈកម្មការសិទ្ធិមនុស្ស ទទួលពាក្យបណ្ដឹងនិងអង្កេត និងអធិការកិច្ច នៃរដ្ឋសភា (គណៈកម្មការទី១) ដឹកនាំដោយឯកឧត្តម សរ ចំរុង ប្រធានគណៈកម្មការ និងតំណាងរាស្ត្រមណ្ឌលបាត់ដំបង រួមមាន ឯកឧត្តម ច័ន្ទ សុផល លោកជំទាវ លី គឹមលៀង និងឯកឧត្ដម ងិន ឃន បានអញ្ជើញជួបប្រជុំពិភាក្សាការងារជាមួយ  ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងឯកឧត្តម អេ សារុម សមាជិកក្រុមប្រឹក្សាខេត្តបាត់ដំបងនិងសហការី និងប្រធានមន្ទីរជំនាញពាក់ព័ន្ធវិស័យទទួលបន្ទុករបស់គណៈកម្មការដើម្បីស្វែងយល់អំពីវឌ្ឍនភាពការងារ និងយន្តការដោះស្រាយទំនាស់ដីធ្លីរបស់អាជ្ញាធរខេត្ត នៅសាលប្រជុំសាលាខេត្តបាត់ដំបង នាព្រឹកថ្ងៃទី១១ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/DVe99RsZ5NU

ក្នុងឱកាសនោះ នាយឧត្តមសេនីយ៍ ទៀ សីហា បានសម្តែងនូវការស្វាគមន៍ចំពោះនាយឧត្តមសេនីយ៍ DETNITIT LUANGNGAMKUM ប្រធានអង្គការអតីតយុទ្ធជនសង្គ្រាមថៃ និងសហការី ដែលបាន អញ្ជើញមកបំពេញទស្សនកិច្ចនៅកម្ពុជា និងការជួបពិភាក្សាការងារ រវាង អង្គការអតីតយុទ្ធជនសង្គ្រាមថៃ ជាមួយនឹងនាយឧត្តមសេនីយ៍ គន់ គីម អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា។ ហើយឯកឧត្តម ឧបនាយករដ្ឋមន្ត្រី បានចាត់ទុកថានេះជាការពង្រឹងនិងពង្រីកបន្ថែមទៀត នូវការរឹតចំណង មិត្តភាព និងកិច្ចសហប្រតិបត្តិការឲ្យកាន់តែប្រសើរឡើង រវាងសមាគមអតីតយុទ្ធជនទាំងពីរ ជាពិសេនៅ លើវិស័យការពារជាតិ នៃប្រទេសទាំងពីរ កម្ពុជានិងថៃ ផងដែរ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/3DnYaf9ZTTA

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ស្នើឱ្យមានការពង្រឹងការអនុវត្តកិច្ចព្រមព្រៀងពាណិជ្ជកម្មទ្វេភាគី ឲ្យតែកាន់ច្រើនបន្ថែមទៀត ដើម្បីជំរុញពាណិជ្ជកម្មប្រទេសទាំងពីរឲ្យកាន់តែមានការកើនឡើង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/ejcrX1Xy2tg

ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវបណ្ឌិត បានស្រីមុំ អភិបាលខេត្តប៉ៃលិន អមដំណើរដោយមន្ត្រីជំនាញ បានអញ្ជើញពិនិត្យមើលទីតាំងត្រៀមរៀបចំសង្ក្រាន្តប៉ៃលិន នៅមាត់ស្ទឹងប៉ៃលិន ចាប់ពីចន្លោះស្ពានអូរច្រា ទៅស្ពានសន្តិភាព ដើម្បីបង្កបរិយាកាសសប្បាយរីករាយសម្រាប់ប្រជាពលរដ្ឋ និងភ្ញៀវទេសចរ មកលេងកម្សាន្ត ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនាពេលខាងមុខ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/iTuwgx4XlJ0

ឯកឧត្ដមរដ្ឋមន្ត្រី ប្រតិភូអមនាយករដ្ឋមន្ត្រី មានប្រសាសន៍បែបនេះនៅក្នុងពិធីសំណេះសំណាលប្រគល់សម្ភារៈដែលជាអំណោយដ៏ថ្លៃថ្លា របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ្រ ចាន់មុន្នី នៅទីបញ្ជាការតំបន់ប្រតិបត្តិការសឹករងកំពង់ឆ្នាំង នាព្រឹកថ្ងៃទី ១១ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Ur4M9Isg1mM

គម្រោង “បង្កើនការចូលរួមរបស់សហគមន៍ ក្នុងការអភិរក្សព្រៃឈើក្នុងខេត្តព្រះវិហារ” ដែលកំពុងអនុវត្ត ដោយអង្គការសកម្មភាពដើម្បីអភិវឌ្ឍន៍ (AFD) បានរៀបចំសិក្ខាសាលាបង្ហាញលទ្ធផលសិក្សា ពីការប្រើប្រាស់អាងស្តុកទឹកស្ទឹងសែន ផ្នែកខាងលើនៃតំបន់ផ្ទៃរងទឹកភ្លៀង ដើម្បីបង្ហាញពីលទ្ធផលនៃការសិក្សាស្រាវជ្រាវជូនទៅអ្នកពាក់ព័ន្ធ និងសហគមន៍គោលដៅ ព្រមទាំងពិនិត្យមើលអំពីបញ្ហាប្រឈម និងផលប៉ះពាល់លើគុណភាពទឹក ដែលបណ្តាល មកពីការហូរច្រោះដី ការបាត់បង់ព្រៃឈើ និងការបំពុលទឹកបណ្តាលមកពីសកម្មភាពកសិកម្ម។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/a25zbOJ1AfU

សម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជា បានផ្តាំទៅក្រុមអ្នកវិភាគ និង ពួកបរទេសមួយចំនួនដែលតែងតែរិះគន់ និងនិយាយថា ពេលណាសម្តេចធិបតីហ៊ុន ម៉ាណែត ដើរចេញពីស្រមោលឪពុកនោះ គឺមិនអាចទៅរួចនោះទេ ខណៈការប្រគល់អំណាចរាជរដ្ឋាភិបាលបន្តវេននេះគឺធ្វើ ឡើងទៅតាមគោលនយោបាយគណបក្ស និងបោះឆ្នោតប្រកបដោយលទ្ធិប្រជាធិបតេយ្យ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/PzhtIS7tDLg

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ក្រុមអតីតនិស្សិតពីសាលាបណ្ឌិត្យសភាយោធា West Point នៃប្រទេសហ្វីលីពីន ដែលដឹកនាំដោយ លោក Cris Acosta អតីតនិស្សិតក្នុងឆ្នាំសិក្សា១៩៨២ ចូលជួបសម្ដែងការគួរសម និងពិភាក្សាការងារ នៅក្នុងឱកាសនៃដំណើរទស្សនកិច្ចផ្លូវការនៅទីក្រុងម៉ានីល ប្រទេសហ្វីលីពីន ពីថ្ងៃទី១០-១១ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/sxZLjHzDq9I

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នាព្រឹកថ្ងៃទី១១ ខែកុម្ភៈ ឆ្នាំ២០២៥ បានជួបពិភាក្សាការងារទ្វេភាគី ជាមួយឯកឧត្តម ហ្វឺឌីណាន់ ម៉ាកូស ជេអ (Ferdinand R. Marcos Jr.) ប្រធានាធិបតី នៃសាធារណរដ្ឋហ្វីលីពីន នៅក្នុងឱកាសនៃដំណើរទស្សនកិច្ចផ្លូវការនៅទីក្រុងម៉ានីល, សាធារណរដ្ឋហ្វីលីពីន ចាប់ពីថ្ងៃទី១០-១១ ខែកុម្ភៈ ឆ្នាំ២០២៥។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Uw1OLE4DZRU

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោក Dai Jianlaing ប្រធានក្រុមហ៊ុន Excellent Associates Group Limited ចូលជួបសម្ដែងការគួរសម និងពិភាក្សាការងារ ក្នុងឱកាសនៃដំណើរទស្សនកិច្ចផ្លូវការ នៅទីក្រុងម៉ានីល ប្រទេសហ្វីលីពីន។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/yNjzoIzDWC8