ជំនួយការជាន់ខ្ពស់លោក គីម ជុងអ៊ុន ស្លាប់ក្នុងគ្រោះថ្នាក់ចរាចរណ៍
កូរ៉េខាងជើង៖យោងតាមប្រព័ន្ធផ្សព្វផ្សាយនៃទីក្រុងព្យុងយ៉ាងចេញផ្សាយនៅថ្ងៃពុធនេះថា លោក Kim Yang-gon ដែលជាមន្ដ្រីជាន់ខ្ពស់គណបក្សកាន់អំណាចកូរ៉េខាងជើងបានស្លាប់ក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្ដ ។
ប្រភពដដែលបញ្ជាក់ថា លោក Kim Yang-gon បានស្លាប់កាលពីថ្ងៃទី២៩ធ្នូ ក្នុងវ័យ៧៣ឆ្នាំ ហើយកូរ៉េខាងជើងនឹងប្រារព្ធពិធីបុណ្យសពរបស់លោកនៅថ្ងៃទី៣១ធ្នូ ដឹកនាំដោយផ្ទាល់ពីមេដឹកនាំកូរ៉េខាងជើងលោក គីម ជុងអ៊ុន។
គួរបញ្ជាក់ថា លោក Kim Yang-gon គឺជាអគ្គលេខាធិការបក្សពលករកូរ៉េខាងជើង និងជាសមាជិកគណៈកម្មាធិការមជ្ឈិមបក្ស និងជាមន្ដ្រីជាន់ខ្ពស់តំណាងឲ្យកូរ៉េខាងជើងដឹកនាំការចរចាអន្ដរកូរ៉េ ថែមទាំង ជាជំនួយការជាន់ខ្ពស់របស់លោក គីម ជុងអ៊ុនផងដែរ៕
