ភ្នំពេញ៖ ស្ត្រីចំណាស់ម្នាក់បានមកដល់សាលាសង្កាត់ស្ទឹងមានជ័យ ទាំងទឹកមុខស្រងូត ស្រងាត់ ដើម្បីដាក់បណ្តឺងស្តីពីកាបាត់កូនស្រីអាយុ១៦ឆ្នាំ រួមនិងម៉ូតូម៉ាកស្កុពីស៊េរី២០១៥ មួយគ្រឿង និងស្នើសុំអាជ្ញាធរឲ្យជួយស្វែងរក ព្រោះខ្លាចក្រែងកូនស្រីចាញ់បោកគេ ឬមានគ្រោះថ្នាក់ដោយអំពើឃាតកម្ម។
អ្នកស្រី នូមុន្នីសេដ្ឋា មានទីលំនៅផ្ទះ៤៩១ ក្រុម១៤ ភូមិត្នោត សង្កាត់ស្ទឹងមានជ័យ នៅព្រឹកថ្ងៃទី ៤ ខែមករា នេះ បានមកដាក់ពាក្យបណ្តឹងនៅសង្កាត់ប៉ុស្តិ៍ស្ទឹងមានជ័យ ដោយសារតែបាត់កូនស្រីសំណព្វចិត្តរបស់ខ្លួនឈ្មោះថា មាច មុន្នីនាថ អាយុ១៦ឆ្នាំ ជិះម៉ូតូ SCOPY ពណ៌ស ស៊េរី២០១៥ ស្លាកលេខ ភ្នំពេញ ១CP១៩០៤ ដែលបានចេញបាត់ពីផ្ទះកាលវេលាម៉ោង ១៧:៣០នាទីល្ងាច ថ្ងៃទី២មករា ឆ្នាំ២០១៦ កន្លងមកនេះ ដោយប្រាប់ថាទៅរៀនភាសាអង់គ្លេស។
អ្នកស្រីបានរៀបរាប់ថា នៅមុនពេលបាត់ដំណឹង នាងបានជិះម៉ូតូហុងដាខាងលើចេញ ពីផ្ទះ ទៅរៀនអង់គ្លេស នៅសាលាបឋមសិក្សាស្ទឹងមានជ័យ ហើយចាប់ពីពេលនោះរហូតមកដល់ថ្ងៃនេះ នៅមិនទាន់ឃើញកូននស្រី មាច មុន្នីនាថ ត្រឡប់វិញមកផ្ទះវិញទេ។
អ្នកស្រីបន្តថា ក្រុមគ្រួសារទាំងមូលបានទាក់ទងទៅបងប្អូនគ្រប់ទីកន្លែង និងអោយអ្នកភូមិ ជួយដើររកក៏មិនទាន់ដឹងដំណឹងនៅឡើយ។
អ្នកស្រីសូមអំពាវនាវបងប្អូនគ្រប់មជ្ឈដ្ឋាន ប្រសិនបើបានស្គាល់នាង មាច មុន្នីនាថ ឬប្រទះឃើញនាងដូចមានរូបថតភ្ជាប់ខាងក្រោមនេះ ឬឃើញម៉ូតូដូចខាងលើ មេត្តាជួយទាក់ទង ទៅប៉ុស្តិ៍សង្កាត់ស្ទឹងមានជ័យ ឬអ្នកស្រីជាម្តាយផ្ទាល់ តាមរយៈ ទូរស័ព្ទ ០១២ ២៧៨ ៦៩៩ / ០១៧ ៥៦៩ ៣៧៣ ដោយក្តីអនុគ្រោះផង ៕ដោយ៖គ បញ្ញា
