ខេត្តបាត់ដំបង៖ជនប្រដាប់ដោយអាវុធ៣នាក់ធ្វើសកម្មភាពប្លន់យកគ្រឿងអលង្ការ និងលុយអស់ រាប់ម៉ឺនដុល្លារពីលោកហោរាដ៍ល្បីម្នាក់ក្នុងស្រុកបវេល ខេត្តបាត់ដំបងហើយគេចខ្លួនដោយ សុវត្ថិភាព។
តាមរបាយការណ៍របស់សមត្ថកិច្ចបានអោយដឹង នៅថ្ងៃទី០៤ ខែមករា ឆ្នាំ២០១៦នេះថា នៅក្នុងអំឡុងម៉ោង១:០០រំលងអាធ្រាត្រថ្ងៃទី០៤ ខែមករា មានករណីប្លន់ប្រដាប់វុធ១បានកើត ឡើងក្នុងភូមិរូងអំពិល ឃុំខ្នាចរមាស ស្រុកបវេល ដែលម្ចាស់ផ្ទះឈ្មោះ សិលា សៅកង អាយុ៦១ឆ្នាំ និងប្រពន្ធឈ្មោះហេង ណាគី ជាហោរាសាស្ត្រដ៏ល្បី យកទ្រព្យសម្បត្តិអស់ រាប់ម៉ឺនដុល្លារ រួមមានគ្រឿងពេជ្រ១ឈុត តម្លៃ២០០០០ដុល្លាប្លាកទីន៥តម្លឹង គ្រឿងមាស៦តម្លឹង លុយដុល្លា១៧០០ លុយខ្មែរ៩លាន លុយបាត១២០០០បាត។
ប្រជាពលរដ្ឋនៅកន្លែងកើតហេតុបានបញ្ជាក់ថា ក្រុមចោរពាក់ម៉ាសចំនួន៣នាក់ ប្រដាប់ដោយអាវុធចំនួន៣ដើម គឺកាំភ្លើងខ្លី២ដើម និងកាំភ្លើងវែងAK១ដើម បានធ្វើសកម្មភាពចាប់ចងម្ចាស់ផ្ទះទាំង២នាក់ ហើយជនរងគ្រោះជាប្រពន្ធ បានប្រគល់កូនសោរទូអោយជនសង្ស័យហើយពោលថាសុំកុំធ្វើបាបពួកយើង។
ក្រោយពីបានធ្វើសកម្មភាពរួចរាល់ក្រុមចោរបានគេចបាត់អស់ទើបមានផ្អើលឆោឡោឡើង៕
ដោយ៖ប សុផល
