បាល់ទាត់៖ការប្រកួតបើកឆាកនៃពានរង្វាន់ Bangabandhu Gold Cup2016 នៅប្រទេសបង់ក្លាដេស កាលពីរសៀលម្សិលមិញក្រុមបាល់ទាត់ជម្រើសជាតិកម្ពុជាបានរងបរាជ័យក្រោម ថ្វីជើងរបស់ក្រុមជម្រើសជាតិនៃប្រទេសម៉ាឌីវដោយលទ្ធផល៣-២។
ការប្រកួតនៅតង់ទី១ ក្រុមនៃប្រទេសម៉ាល់ឌីវបាននាំមុខនៅនាទីទី៤ ស៊ុតបញ្ចូលទីដោយកីឡាករ Easa Ismail ប៉ុន្តែសមាជិកមកពីក្លិបប៉ូលិស ស៊ុន វណ្ណដេត ស៊ុតតាមស្មើវិញនៅនាទីទី១៥។ នៅនាទីទី៣៨ កីឡាករ Hassan Naaiz បានរកគ្រាប់បាល់ឲ្យម៉ាល់ឌីវនាំមុខសាជាថ្មី។ ជិតចប់តង់ទីមួយទៅហើយខ្សែបម្រើប្រយុទ្ធក្លិបប៉ូលិស ទិត្យ ឌីណា ស៊ុតឲ្យក្រុមកម្ពុជាតាមស្មើវិញ ២-២។
លុះ មកដល់តង់ទីពីរ ក្រុមកម្ពុជាបានព្យាយាមវាយសម្រុកយ៉ាងខ្លាំង ប៉ុន្តែគ្មានសំណាងរកគ្រាប់បាល់បំប៉ោងសំណាញ់ទីរបស់ម៉ាល់ឌីវ បានឡើយ។
ផ្ទុយទៅវិញ ក្រុមម៉ាល់ឌីវជាអ្នកទម្លាយសំណាញ់ទីរបស់កម្ពុជានៅនាទីទី៧៩ ដោយកីឡាករ Hassan Naaiz បញ្ចប់ត្រឹម៩០នាទីដោយលទ្ធផល ៣-២៕
