ដោយ៖ប៉ែន សុផល
បាត់ដំបង៖គ្រោះថ្នាក់ចរាចរណ៍គូរអោយញាក់សាច់មួយករណីបណ្តាលយុវសិស្សម្នាក់ឈ្មោះ រង ដាវី ភេទស្រី អាយុ១៦ឆ្នាំ ជាសិស្សរៀនថ្នាក់ទី១០ រស់នៅភូមិថ្មី ឃុំកំពង់ព្រៀង ស្រុកសង្កែ ខេត្តបាត់ដំបង។
សាក្សីនៅកន្លែងកើតហេតុ បានឲ្យដឹងថា យុវតីរងគ្រោះជិះម៉ូតូម៉ាកហុងដាសេ
១២៥ពណ៌ខ្មៅ ចំណែករថយន្ត ជារបស់ក្រុមហ៊ុន លាំង យូ អេស ដឹកអ្នកដំណើរ ពាក់ស្លាកលេខ កំពង់ចាម 3A 3670 ។អ្នកបើកបើករថយន្តក្រុងនេះ ក្រោយពីកើតហេតុបានចតរថយន្តចោលហើយគេចខ្លួនបាត់។
គ្រោះថ្នាក់រវាងរថយន្តក្រុង និងម៉ូតូខាងលើនេះ កើតឡើងនៅចំណុចភូមិកាច់រទេះ ឃុំកំពង់ព្រៀង ស្រុកសង្កែ ខេត្តបាត់ដំបង នៅម៉ោង១៤ :៣០នាទីថ្ងែទី១៦ ខែមករា ឆ្នាំ២០១៦
លើដងផ្លូវជាតិលេខ៥។
រីឯសាកសពជនរងគ្រោះ ត្រូវបានដមត្ថកិច្ចប្រគល់ឲ្យក្រុមគ្រួសារយកទៅរៀបចំធ្វើបុណ្យតាមប្រពៃណី។ចំណែករថយន្តក្រុង និងម៉ូតូ ត្រូវបានសមត្ថកិច្ច ការិល័យចរាចរណ៍ខេត្តបាត់ដំបងយកទៅរក្សាទុករង់ចាំដោះស្រាយតាមផ្លូវច្បាប់នៅពេលក្រោយ៕
