ដោយ៖សុផល
បាត់ដំបង៖ រថយន្តកាមរីចង្កូតស្តាំបានបុកម៉ូតូមួយគ្រឿងបើកបរបញ្ច្រាស់ទិសគ្នាបណ្តាលអោយស្លាប់៣នាក់ឳពុកម្តាយនិងកូន កាលពីម៉ោង៤រសៀលថ្ងៃទី១៧ ខែមករា ឆ្នាំ២០១៦ នៅផ្លូវជាតិលេខ៥៧អា ភូមិបឹងរាំងសង្កាត់អូរម៉ាល់ក្រុងបាត់ដំបង។
ប្រភពពីនគរបាលចរាចរខេត្តបានអោយដឹងថា រថយន្តកាមរីកូចង្កូតស្តាំ ពណ៌ខ្មៅ ពាក់ស្លាកលេខបាត់ដំបង2A2331 បើកបរដោយឈ្មោះសុន សុខា ភេទប្រុស រស់នៅភូមិកាប់គោថ្មី សង្កាត់អូរចារ ក្រុងបាត់ដំបង។ចំណែកជនរងគ្រោះដែលស្លាប់ទាំង៣នាក់មានទី១ ឈ្មោះ សុខ សម្បត្តិ ភេទប្រុស អាយុ៥៦ឆ្នាំ(ប្តី) ទី២ ឈ្មោះ ម៉េវ រ៉េន អាយុ៥៣ឆ្នាំ(ប្រ)ពន្ធ ទី៣ឈ្មោះ សម្បត្តិ ភេទស្រី មានអាយុ២៧ឆ្នាំពរស់នៅភូមិស្នឹងខាងកើត ឃុំស្នឹង ស្រុកបាណន់ ខេត្តបាត់ដំបង។ទាំ៣នាក់ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខបាត់ដំបង1D3650។
សាក្សីបានប្រាប់សមត្ថកិច្ចនគរបាលចរាចរថា មុនពេលកើតហេតុឃើញមានរថយន្តកាមរីខាងលើ បានបើកពីទិសខាងលិចមកកើតក្នុងល្បឿនលឿនវ៉ាម៉ូតូមួយគ្រឿងដែលរត់ស្របទិសគ្នា ហើយក៏ជ្រុលចង្កូតទៅបុកម៉ូតូជនរងគ្រោះដែលបើកបរបញ្ច្រាស់ទិសគ្នាខាងស្តាំបណ្តាលអោយស្លាប់មនុស្ស៣នាក់នៅកន្លែងកើតហេតុតែម្តងហើយអ្នកបើករថយន្តគេចខ្លួនបាត់ភ្លាម។
បច្ចុប្បន្នសពបានប្រគល់អោយសាច់ញាតិយកទៅធ្វើបុណ្យតាមប្រពៃណី រីឯរថយន្ត និងម៉ូតូសមត្ថកិច្ចប្រមូលយកទៅរក្សាទុកនៅការិយាល័យចរាចរណ៍ផ្លូវគោករង់ចាំធ្វើការដោះស្រាយជាក្រោយ៕
