ប្រដាល់៖ស្តេចប្រដាល់របស់ហ្វីលីពីន កីឡាករ Manny Pacquiao បានចេញដំណើរទៅសហរដ្ឋអាមេរិកហើយកាលពីថ្ងៃច័ន្ទម្សិលមិញដើម្បីធ្វើសន្និសីទសារព័ត៌មានត្រៀមប៉ះ Timothy Bradley នៅថ្ងៃ៩មេសាខាងមុខ។
អ្នកប្រដាល់វ័យ៣៧ឆ្នាំរូបនេះបានបញ្ជាក់ថា ការប្រកួតនេះអាចជាប្រកួតចុងក្រោយក្នុងអាជីពប្រដាល់របស់លោក បន្ទាប់ពីនោះលោកនឹងប្រជែងដណ្ដើមតំណែងកៅអីព្រឹទ្ធសភា ហ្វីលីពីន ខណៈដែលដែលការបោះឆ្នោតនឹងប្រព្រឹត្តទៅនាខែឧសភាខាងមុខ។ ស្ដេចប្រដាល់រូបនេះនឹងខកខានក្នុងយុទ្ធនាការឃោសនាបោះឆ្នោតដោយសារជាប់ហ្វឹកហាត់ត្រៀមការប្រកួតមកដល់។ ទោះជាបែបនេះក្តីកីឡាករវ័យ៣៧ឆ្នាំរូបនេះនៅតែអះអាងថា នឹងផ្ដោតលើការងារនយោបាយពេញទំហឹងនៅក្រោយការប្រកួតចប់។
គួរបញ្ជាក់ថា Pacquiao នឹងត្រូវធ្វើសន្និសីទសារព័ត៌មាននៅក្នុងទីក្រុង Los Angeles មុនពេលត្រូវធ្វើដំណើរបន្តទៅទីក្រុង New York៕
