ដោយ៖គង់ ផល្លា
ស្ទឹងត្រែង៖អ្នកណាក៍គេស្គាល់យាយ ព្រឿង យ៉ាងច្បាស់ដែរគឺជាមេជំនួញឈើប្រណីតដុះស្លែប្រចាំនៅខេត្តស្ទឹងត្រែង ទើបតែពេលនេះសមត្ថកិច្ចនឹកឃើញចុះបង្ក្រាប ប៉ុន្តែមិនដឹងថាលទ្ធផលយ៉ាដូចម្តេចនោះទេ។
ដេប៉ូឈើរបស់យាយ ព្រឿង ត្រូវបានសមត្ថកិច្ចចុះត្រួតពិនិត្យ នៅព្រឹកថ្ងៃទី ២២ ខែមករា នេះ បុន្តែលទ្ធផលយ៉ាងណានោះនៅមិនទាន់មានសេចក្តីរាយការណ៍នៅឡើយទេ។
មជ្ឈដ្ឋានជាច្រើនបានរិះគន់ចំពោះចំនាត់ការរបស់អាជ្ញាធរករណីបទល្មើសព្រៃឈើ។ការរិះគន់ដោយសារតែការប្រព្រឹត្តិបទល្មើសព្រៃឈើបានកើតឡើងពេញបន្ទុកជាយូរឆ្នាំកន្លងមកហើយ ប៉ុន្តែគ្មាននរណាចាប់អារម្មណ៍ក្នុងការបង្ក្រាបនោះទេ ។
ទាក់ទិននឹងបទល្មើសដូចនេះដែរ ស្ត្រីជនជាតិវៀតណាមម្នាក់ឈ្មោះ ហេង សំនៀង ហៅ យាយ ព្រឿង នៅខេត្តស្ទងឹត្រែង បានជួញដូរឈើល្មើសយ៉ាងគគ្រឹកគគ្រេងជាយូរឆ្នាំកន្លងមកហើយហេតុអីក៏មិនបង្ក្រាបដាក់បន្ទុកយាយព្រឿងថាជាអ្នករកស៊ីខុសច្បាប់ចំកណ្តាលក្រុងនោះផង។រហូតមកដល់ពេលនេះ ក៏សមត្ថកិច្ចនៅតែមិនទាន់ចូលចាត់វិធានការតឹងរ៉ឹងលើទីតាំងឈើល្មើសរបស់យាយ ព្រឿង នៅឡើយទេ។
ជំនួញឈើប្រណីតរត់ពន្ធទៅប្រទេសវៀតណាមកន្លងមក ត្រូវគេមើលឃើញថា មានការឃុបឃិតពីនាយខណ្ឌរដ្ឋបាលព្រៃឈើ និងស្ថាបន័ពាក់ពន្ធ័ក៍ដូចអាជ្ញាធរផងដែរទើបបានយាយព្រឿងអាចដំណើរការបានយ៉ាងរលូនរហូតមកទល់នេះ៕
