ជនស៊ីវិលច្រើននាក់ស្លាប់ដោយសារការវាយប្រហារតាមអាកាសនៅស៊ីរី
ស៊ីរី៖តាមអ្នកអង្កេតការណ៍សិទ្ធិមនុស្សស៊ីរីបានឲ្យដឹងកាលពីម្សិលមិញថា មនុស្ស៤៧នាក់បានស្លាប់ នៅក្នុងការវាយប្រហារតាមអាកាសរបស់រុស្ស៊ីនៅតំបន់ដែលកាន់កាប់ដោយក្រុមសកម្មប្រយុទ្ធរដ្ឋអ៊ីស្លាម ស្ថិតនៅភាគខាងកើតប្រទេសស៊ីរី។
ប្រភពដដែលបន្តថា ក្នុងចំណោមអ្នកស្លាប់រួមមានកុមារចំនួន៩នាក់ផងដែរ។ ប្រភពបញ្ជាក់ថា យន្តហោះចម្បាំងរបស់រុស្ស៊ីបានទម្លាក់គ្រាប់នៅទីក្រុង Deir al-Zor ខណៈកងកម្លាំងគាំទ្ររដ្ឋាភិបាលស៊ីរី បានប្រយុទ្ធជាមួយក្រុមរដ្ឋអ៊ីស្លាមនៅលើដី។
គួរបញ្ជាក់ថា ក្រុមរដ្ឋអ៊ីស្លាម ISIS បានគ្រប់គ្រងខេត្តជាច្រើនស្ថិតនៅក្នុងទីក្រុង Deir al-Zor តាំងពីខែមីនាមកម្ល៉េះ៕
