ដោយ៖សុខណាត
មណ្ឌលគីរី៖បុរសជាថៅកែប្រមូលទិញដំឡូងមី ម្នាក់បានដេកស្លាប់ក្នុងរថយន្តរបស់ខ្លួន កាលពីយប់ថ្ងៃទី២៧ មករានេះ នៅចំនុចអូរផ្លាយ ស្ថិតនៅក្មុងភូមិស្រែអំពូម ឃុំស្រែអំពូម ស្រុកពេជ្រាដា ខេត្តមណ្ឌលគីរី។
បើតាមសំដី សមត្ថកិច្ចនៅកន្លែងកើតហេតុបានឲ្យដឹងថា បុរសជាថៅកែដែលប្រមូលទិញដំឡូងមី ដេកស្លាប់នៅក្នុងរថយន្តមានឈ្មោះ ហន សុឃាង ភេទប្រុស អាយុ៤៤ ឆ្នាំ មានស្រុក កំណើត ភូមិប៉ាកណាម ឃុំ ពង្រ ស្រុក កោះសូទិន ខេត្ត កំពុងចាម។បច្ចប្បន្នមករកស៊ីទិញដុំឡូងមី នៅ ស្រុកពេជ្រាដា ខេត្តមណ្ឌលគីរី ។
សមត្ថកិច្ចបានបន្តឲ្យដឹងទៀតថា ក្រោយពីការធ្វើកោសល្យវិច្ច័យទៅលើសាកសពឃើញថាជនរងគ្រោះមិនមានរបួសស្នាមអ្វីនោះឡើយ គឺស្លាប់ដោយសារខ្យល់គរប្រាកដមែន។បន្ទាប់មកសាកសពត្រូវបានក្រុមគ្រួសារដឹកយកទៅធ្វើបុណ្យនៅគេហដ្ឋានតាមប្រពៃណី៕
