ដោយ៖ អ វឹង
ខេត្តព្រះសីហនុ៖យោងតាមសេចក្តីរាយការណ៍ពីភ្នាក់ងារយកព័តមានប្រចាំខេត្តព្រះសីហនុឲ្យដឹងថា កាលពីវេលាម៉ោងប្រមាណជាង៧ព្រឹកនា ថ្ងៃចន្ទនេះ មានទូកទេសចរណ៍ខ្នាតទូចមួយគ្រឿងដែលដឹកភ្ញៀវទេសចរណ៍ចំនួន ០៨នាក់ បានលិចនៅកណ្តាលសមុទ្រ ក្បែរកោះរ៉ុងសន្លឹម។
សេចក្តីរាយការណ៍ថា ទូកទេសចរណ៍នោះ ជារបស់ក្រុមហ៊ុន PBC បានដឹកភ្ញៀវទេសចរចេញពីកោះរ៉ុង បំណងត្រឡប់មកកាន់ខេត្តព្រះសីហនុវិញ ប៉ុន្តែដោយរលកបោកបក់ខ្លាំងបានបណ្តាលឲ្យទូកនោះលិចតែម្តង។តែយ៉ាងណាក៏ដោយ ការលិចទូកនេះ ត្រូវបានសមត្តកិច្ច និងទូកនេសាទនៅតំបន់នោះចេញទៅជួយសង្គ្រោះ ដោយស្រង់អ្នកទេសចរទាំងអស់បានចំនួន០៨នាក់។
សូមបញ្ជាក់ផងដែរថា ភ្ញៀវទេសចរនៅក្នុងទូកទេសចរណ៍នេះ មានគ្នាចំនួន០៨នាក់ប្រាំមួយនាក់ជាភ្ញៀវទេសចរ ២នាក់ជាតែកុងទូក។អ្នកទាំង០៨នាក់នេះត្រូវសមត្តកិច្ច និងអ្នកនេសាទជួយសង្គោះរួចផុតពីសេចក្តីស្លាប់ហើយ៕
