ដោយ៖សហការី
បាត់ដំបង÷យុវសិស្សប្រុសស្រីប្រមានណជាង១០នាក់ ត្រូវសមត្ថកិច្ចក្រុងបាត់ដំបងចាប់ប្រមូលយកទៅអប់រំ និងអញ្ជើញឪពុកម្តាយ ឬអាណាព្យាបាលមកចុះកិច្ចសន្យាបន្ទាប់ពីពួកគេបានពពាក់ពពូនចូលក្នុងទីតាំងច្រៀងខារ៉ាអូខេដែលអាចបង្កឲ្យមានបញ្ហាផ្សេងដល់សាមីខ្លួន និងដល់សង្គមជាតិ ។
មន្ត្រីសមត្ថកិច្ចមួយរូបបានប្រាប់ថា ដោយមានបណ្តឹងពីអាណាព្យាបាលសិស្សានុសិស្ស ក៏ដូចជាប្រជាពលរដ្ឋ ក្នុងមូលដ្ឋាន ដែលលើកឡើងអំពី ករណីកូន ចៅរបស់ខ្លួនមិនចូល សិក្សានៅសាលា ហើយតែងតែប្រមូលផ្តុំគ្នា ចូលច្រៀងខារ៉ាអូខេដោយពពាក់ពពូននោះ នៅថ្ងៃទី ១៧ ខែ កុម្ភៈ ឆ្នាំ ២០១៦ នេះ លោក តូច សុភក្តី ព្រះរាជអាជ្ញារង អមសាលាដំបូងខេត្តបាត់ដំបង បានដឹកនាំកម្លាំងនគរបាលនៃស្នងការដ្ឋាននគរបាលខេត្តបាត់ដំបង ឆ្មក់ចូល ទីតាំងបើក កន្លែងច្រៀង (ខារ៉ាអូខេ) មួយកន្លែង ស្ថិតនៅភូមិ នំក្រៀប សង្កាត់ព្រែកព្រះស្តេច ក្រុងបាត់ដំបង ដោយក្នងនោះប្រទះ ឃើញយុវជន ជាសិស្សសាលា ប្រមាណ ១០ នាក់ កំពុងច្រៀង នៅទីនេះ ។
ក្រោយសួរនាំ លោកព្រះរាជអាជ្ញារង បានអប់រំណែនាំ ដល់ម្ចាស់ទីតាំង ដែលបើកដោយ គ្មានលិខិតស្នាមអនុញ្ញាតិ កុំឲ្យមាន បញ្ហាកើតមានជាបន្តទៀត ពិសេស កុំឲ្យក្មេងៗ អាយុក្រោម ១៨ ឆ្នាំ ចូលច្រៀង បង្ករភាពពពាក់ ពពូន គេចវេស សាលាមិនចូលរៀន ។ ចំពោះយុវជន ទាំងនេះ បានអប់រំណែនាំ និងឲ្យអាណាព្យាបាល មកធានាយកទៅលំនៅដ្ឋានវិញ នាថ្ងៃដដែលនោះផងដែរ។
សូមបញ្ជាក់ថាក្រៅពីទីតាំង(ខារ៉ាអូខេ)ដែលសមត្ថកិច្ចបានបង្ក្រាបខាងលើនេះ គេសង្គេតឃើញមានទីតាំង(ខារ៉ាអូខេ)ជាច្រើនទៀត ដែលសមត្ថកិច្ច ពុំទាន់មានចំណាត់ការ ដូចជាទីតាំង(ខារ៉ាអូខេ)នៅខាងលិចរូបសំណាកលោកតាដំបងក្រញូង ឃ្លាតពីរបងសាលារៀននេតយ៉ងប្រម៉ាណជាង100ម៉ែត្រ ដែលកន្លងមកអាជ្ញាធរ និងសមត្ថកិច្ច បានធ្វើការបង្ក្រាប ប៉ុន្តែមកទល់ពេលនេះឃើញថាទីតាំង(ខារ៉ាអូខេ)ខាងលើចាប់កក្រើកឡើងវិញហើយ៕
