ដោយ៖សហការី
កោះកុង៖ កាលពីល្ងាចថ្ងៃទី២៦ ខែកុម្ភៈ ឆ្នាំ២០១៦ បុរសម្នាក់បានបាត់ពីផ្ទះ រយះពេល១០ថ្ងៃ ត្រូវបានគេប្រទះឃើញ សាកសពចងកនៅក្នុងព្រៃ ស្អុយរលួច ស្ថិតភូមិ១ឃុំ ប៉ាក់ខ្លង ស្រុកមណ្ឌល សីមាន ខេត្តកោះកុង។
តាមប្រភពពីសមត្ថកិច្ច មូលដ្ឋានចូលរួមធ្វើកោសល្យវិច្ច័យបានឲ្យដឹងថា បុរសចងកធ្វើអត្ថឃាតនោះ ឈ្មោះ ឌី ពេជ្រ អាយុ៣០ឆ្នាំ មានទីលំនៅភូមិ១ ឃុំ ប៉ាងខ្លង ស្រុកមណ្ឌលសីមា មានមុខរបរកម្មករទូក។
តាមសម្តីពីក្រុមគ្រួសារ បាននិយាយថា ឈ្មោះ ឌី ពេជ្រ ដែលធ្វើអត្តឃាតគឺជាមនុស្សញៀនថ្នាំ មិនស្តាប់ការណែនាំពីក្រុមគ្រួសារឡើយ ហើយមិនសូវចូលផ្ទះទេ។ប្រភពបន្តថា គេបានបាត់ពីផ្ទះរយៈពេល១០ថ្ងៃមកហើយ លុះដល់រសៀលថ្ងៃកើតហេតុទើបគាត់ទទួលដំណឹងថា ឌី ពេជ្រ បានចងកសម្លាប់ខ្លួនបាត់ទៅហើយ។
តាមការធ្វើកោសល្យវិច្ច័យរបស់សមត្ថកិច្ចបានបញ្ជាក់ថា បុរសខាងលើពិតជាចងកសម្លាប់ខ្លួនឯងប្រាកដមែន ហើយបានប្រគល់សាកសពទៅក្រុមគ្រួសារយកទៅធ្វើបុណ្យទៅតាមប្រពៃណី៕
