ជនជាប់ចោទម្នាក់រត់ចេញពីតុលាការក្រុងភ្នំពេញទាំងដៃជាប់ខ្នោះ
ភ្នំពេញះជនជាប់ចោទម្នាក់បានរត់គេចខ្លួនទាំងដៃជាប់ខ្នោះចេញពីបន្ទប់តុលាការក្រុងភ្នំពេញកាលពីព្រឹកម៉ិញនៅពេលសមត្ថកិច្ចខណ្ឌច្បារអំពៅបញ្ជូនទៅដល់តុលាការ ហើយឲ្យអង្គុយរង់ចាំដល់វេនត្រូវសួរចម្លើយ។
ជនជាប់ចោទពីបទឆក់កាបូបម្នាក់ឈ្មោះ ស្មាន អូឡូវី កាលពីវេលាម៉ោង១០ និង៤៥នាទីព្រឹកថ្ងៃទី២៩ កុម្ភៈ ២០១៦ នេះ ជនសង្ស័យម្នាក់ បានរត់គេចចេញពីបន្ទប់សាលាដំបូងរាជធានីភ្នំពេញ ទាំងដៃជាប់ខ្នោះ ខណៈកំពុងអង្គុយរង់ចាំឱ្យចៅក្រមសាកសួរ ។
មុនពេលកើតហេតុ ជនសង្ស័យត្រូវបាននគរបាលខណ្ឌច្បារអំពៅ បញ្ជូនមកកាន់សាលាដំបូងរាជធានីភ្នំពេញ ដើម្បីសាកសួរ តែចៅក្រមកំពុងជាប់សួរជនសង្ស័យម្នាក់ទៀត ។ លុះឃើញឱកាសល្អ ជនសង្ស័យរូបនេះ ក៏រត់ចេញពីបន្ទប់ទាំងដៃជាប់ខ្នោះគេចខ្លួនបាត់តែម្តង៕
