ប៉េកាំង៖រដ្ឋាភិបាលក្រុងបានសម្រេចបណ្តេញមន្ត្រីជាន់ខ្ពស់២រូបចេញតំណែងនៅភាគខាងលិចតំបន់ស៊ីងជាំង គ្រាដែលការបណ្តេញចេញនេះនាំឲ្យមានហេតុការណ៍ផ្ទុះអំពើហិង្សាផងដែរ។ នេះបើយោងតាមការបញ្ជាក់អះអាងពីអង្គការឃ្លាំមើលប្រឆាំងអំពើពុករលួយចិន។
អង្គការឃ្លាំមើលប្រឆាំងអំពើពុករលួយបញ្ជាក់បន្ថែមទៀតថា ប្រទេសចិនបានដាក់ពន្ធនាគារមន្ត្រីជាន់ខ្ពស់ជាច្រើននាក់ ចាប់តាំងលោកប្រធានាធិបតី Xi Jinping ចាប់ផ្តើមធ្វើយុទ្ធនាការប្រឆាំងនឹងអំពើពុករលួយ។ ទោះយ៉ាងណាក៏ដោយ ករណីនេះនៅមិនទាន់បញ្ជាក់លម្អិតនៅឡើយ។
គួរបញ្ជាក់ថា នៅប៉ុន្មានឆ្នាំចុងក្រោយនេះ មនុស្សជាច្រើនរយនាក់បានស្លាប់បាត់បង់ជីវិត នៅក្នុងភាពចលាចលនៅតំបន់ស៊ីងជាំង។ បើតាមក្រុមសិទ្ធិមនុស្សបានបញ្ជាក់ថា បញ្ហាទាំងនេះ ដោយសាររដ្ឋាភិបាលចិនមិនពេញចិត្តនឹងជនជាតិភាគតិចអ៊ុយហ្គួរ កាន់សាសនាអ៊ីស្លាម៕
