រថយន្តបុកបន្តគ្នា៤គ្រឿងស្លាប់និងរបួសច្រើននាក់នៅស្រុកព្រៃនប់

ដោយ មេគង្គ ប៉ុស្តិ៍ ចេញផ្សាយ ថ្ងៃទី 1 March, 2016 ក+ ក-

ដោយ៖ គឹម បញ្ញា

ព្រះសីហនុ៖យ៉ាងហោចណាស់មានមនុស្សម្នាក់ស្លាប់នៅនឹងកន្លែង និងជាច្រើននាក់ទៀតរងរបួស ដោយសារ រថយន្ត៤គ្រឿងបុកបន្តគ្នានៅផ្លូវជាតិលេខ៤ចន្លោះចំណោទអូរត្រាវទៅតំបន់សេដ្ឋកិច្ចពិសេសបិតត្រាំង ក្នុងស្រុកព្រៃនប់ កាលពីវេលាម៉ោងជាង៧យប់ថ្ងៃទី១ ខែមីនា ឆ្នាំ២០១៦នេះ ក្នុងនោះមានរថយន្តដឹកកាកសំណល់ស្រាបៀរមួយគ្រឿង រថយន្តតួរីសដឹកកម្មករមួយគ្រឿង និងរថយន្តកុងតឺន័រ២គ្រឿងទៀត។

សេចក្តីរាយការណ៍ដំបូងបានឲ្យដឹងថា អ្នកបើកបររថយន្តដឹកកម្មករបានស្លាប់នៅនឹងកន្លែង ហើយកម្មករប្រមាណ១០នាក់ទៀតរងរបួសធ្ងន់និងស្រាល ចំណែកអ្នកបើកបររថយន្ត៣គ្រឿងទៀតបានរត់គេចខ្លួន។

សេចក្តីរាយការណ៍ពីអ្នកឃើញហេតុការណ៍ផ្ទាល់អោយដឹងថា ដើមហេតុគឺឡានកូរ៉េដឹកស្រាបៀរក្រឡាប់លើផ្លូវ ហើយឡានកុងតឺន័របើកចុះចំណោទទិសដៅមកពីក្រុងព្រះសីហនុ ក្នុងល្បឿនលឿនក៏វាក់ជាមួយនឹងឡានកូរ៉េដែលក្រឡាប់ រួចឡានកុងតឺនរ័នោះ កាច់ចង្កូតគេចក៏ជ្រុលទៅបុកឡានតួរីសដឹកកម្មករ បញ្រ្ចាសទិសគ្នានោះយ៉ាងពេញទំហឹង បង្កើតជាឧបទ្ទហេតុនេះដ៏សោកនាដកម្មនេះឡើង។

សមត្ថកិច្ចមិនទាន់បញ្ជាក់ពីរបាយការណ៍លម្អិលពីស្ថានភាពនៃគ្រោះថ្នាក់នេះនៅឡើយទេ៕