អ៊ីរ៉ង់កាត់ទោសប្រហារជីវិតមហាសេដ្ឋីម្នាក់ពីបទពុករលួយ
តេហេរ៉ង់៖មហាសេដ្ឋីផ្នែកជំនួញ របស់ប្រទេសអ៊ីរ៉ង់លោក Babak Zanjani ត្រូវបាន តុលាការអ៊ីរ៉ង់ កាត់ទោសប្រហារជីវិត ពីបទប្រព្រឹត្តអំពើពុករលួយធ្ងន់ធ្ងរ។ នេះបើតាមការផ្សាយរបស់ សារព័ត៌មាន BBC។
មហាសេដ្ឋីខាងលើនេះ ត្រូវបានចាប់ខ្លួនតាំងពីខែធ្នូ ឆ្នាំ២០១៣ មកម្ល៉េះ បន្ទាប់ពីមានការចោទប្រកាន់ ធ្វើឡើងលើរូបលោក ថាលោកបានលេបត្របាក់លុយរាប់ពាន់លានដុល្លារ ពីចំណូលលើវិស័យប្រេង តាមរយៈក្រុមហ៊ុនទាំងឡាយរបស់លោក ប៉ុន្តែពីដំបូងលោកបានច្រានចោលនូវការចោទប្រកាន់ទាំងអស់នោះ។
ក្រៅពីការចោទប្រកាន់ខាងលើនេះ លោក សានហ្សានី ក៏បានទទួលរងការចោទប្រកាន់លើបទឧក្រិដ្ឋកម្ម ផ្នែកសេដ្ឋកិច្ចមួយចំនួនទៀតផងដែរ។ ដោយឡែកជនពាក់ព័ន្ធពីររូបទៀត ក៏ត្រូវបានកាត់ទោសប្រហារជីវិត ពាក់ព័ន្ធនឹងករណីរួមដៃជាមួយមហាសេដ្ឋីនោះផងដែរ៕
