អ៊ីរ៉ាក់៖កាលពីម្សិលមិញកងកម្លាំងសន្តិសុខរបស់អ៊ីរ៉ាក់បានប៉ះទង្គិចគ្នាជាមួយក្រុមសកម្មប្រយុទ្ធរដ្ឋអ៊ីស្លាមនៅជិតទីក្រុង Ramadi ជាក្រុងក្នុងខេត្ដ Anbarប្រទេសអ៊ីរ៉ាក់ និងបណ្តាលឲ្យសមាជិកក្រុមឧទ្ទាមនេះស្លាប់២៤នាក់ ។
តាមការបញ្ជាក់ពីប្រភពជាកងកម្លាំងក្នុងខេត្ដបាននិយាយថា កងកម្លាំងថ្មើរជើងជាមួយ យុទ្ធជនកុលសម្ព័ន្ធនិកាយស៊ុននី គាំទ្រដោយអ៊ីរ៉ាក់ និងអាមេរិកដឹកនាំការវាយប្រហារតាមអាកាស បានបណ្ដេញក្រុមសកម្មប្រយុទ្ធរដ្ឋអ៊ីស្លាមចេញពីទីតាំងជិតក្រុង Ramadi និងបានលើកទង់ជាតិអ៊ីរ៉ាក់ ជាសញ្ញាបញ្ជាក់ថា ដណ្ដើមបានតំបន់នោះមកវិញហើយ។
គួរបញ្ជាក់ថា ខេត្ដ Anbar នេះពីមុន ត្រូវក្រុមសកម្មប្រយុទ្ធរដ្ឋអ៊ីស្លាមកាន់កាប់ ដើម្បីយកធ្វើទីតាំងព្យាយាមវាយលុកចូលក្រុងបាដាដបន្ដទៀត ប៉ុន្ដែផែនការរបស់ពួកគេ ត្រូវបរាជ័យទៅវិញ៕
