ធ្លាក់ឧទ្ធម្ភាគចក្រយោធានៅឥណ្ឌូនេស៊ីស្លាប់មនុស្ស១២នាក់
ឥណ្ឌូនេស៊ី៖យ៉ាងហោចណាស់មនុស្សចំនួន១២នាក់បានស្លាប់ក្នុងឧបទ្ទវហេតុធ្លាក់ឧទ្ធម្ភាគចក្រយោធាមួយគ្រឿងប្រភេទ Bell 412 ក្នុងភូមិ Kasiguncu នៅលើកោះ Sulawesi ប្រទេសឥណ្ឌូនេស៊ីកាលពីម្សិលមិញ។
តាមប្រភពព័ត៌មានបានផ្សាយថា លើឧទ្ធម្ភាគចក្រនោះមានផ្ទុកមនុស្សចំនួន១៣នាក់ ក្នុងនោះមានអ្នកដំណើរចំនួន៧នាក់ និងអ្នកបម្រើចំនួន៦នាក់។ ទោះជាយ៉ាងណាសាកសពទាំង១២នាក់ក៏ត្រូវរកឃើញ និងស្គាល់អត្ដសញ្ញាណហើយដែរ ខណៈដែលសមាជិកអ្នកបម្រើការម្នាក់ទៀត ក្រុមជួយសង្គ្រោះកំពុងស្វែងរក។ ប្រភពបញ្ជាក់ថា មូលហេតុដែលធ្លាក់គឺដោយសារបញ្ហាអាកាសធាតុ៕
