រាជធានីភ្នំពេញ៖ករណីសន្តិសុខដេកស្លាប់នៅក្នុងអគារសាលាប៊ែលធីលេខ១៧៩៦ ផ្លូវជាតិលេខ៥ ភូមិផ្សារតូច សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ដោយសារគាំបេះដូង។ ហេតុការណ៍នេះ បាន ភ្ញាក់ផ្អើលឡើង កាលពីវេលាម៉ោង៥ និង៣០ទៀបភ្លឺ ថ្ងៃទី២៣ ខែមីនា ឆ្នាំ២០១៦។
ជនរងគ្រោះឈ្មោះ អិន តោក ភេទប្រុស អាយុ៣៣ឆ្នាំ មុខរបរសន្តិសុខ មានស្រុកកំណើត នៅភូមិតាពាំ ឃុំតាផេន ស្រុកត្រាំកក់ ខេត្តតាកែវ បច្ចុប្បន្នស្នាក់នៅទីតាំងកើតហេតុខាងលើ។
ប្រភពពីសាក្សីនៅកន្លែងកើតហេតុ បានឲ្យដឹងថា នៅវេលាម៉ោង៥ និង៣០នាទី មិត្តរួមការងារ បានដើរទៅដាស់ជនរងគ្រោះ ឲ្យជួយធ្វើការងារ ហើយក៏ឃើញជនរងគ្រោះស្លាប់តាំងពីពេលណា ហើយក៏មានការភ្ញាក់ផ្អើលតែម្តង។ ក្រោយកើតហេតុសពត្រូវបានប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត៕
