លោក សម រង្ស៊ី និងលោក កឹម សុខា ត្រូវបានជ្រើសតាំងជាប្រធាន និងអនុប្រធានក្រុម សមាជិកសភា CNRP
រាជធានីភ្នំពេញ៖កាលពីម្សិលមិញ នាទីស្នាក់ការកណ្ដាល គណបក្សសង្គ្រោះជាតិ លោក កឹម សុខា បានដឹកនាំ អង្គប្រជុំ ពិភាក្សា និងអនុម័តវិធានផ្ទៃក្នុង ក្រុមសមាជិកសភា គណបក្ស។ ទន្ទឹមនោះក៏ជ្រើសរើសថ្នាក់ដឹកនាំ ក្រុមសមាជិកសភា គណបក្សផងដែរ ក្នុងនោះលោក សម រង្ស៊ី ត្រូវបានជាប់ឆ្នោត ជាប្រធាន និង លោក កឹម សុខា ជាអនុប្រធានស្ដីទី។ ជាមួយគ្នានេះ គណបក្សសង្គ្រោះជាតិ ក៏បានបោះឆ្នោតជ្រើសរើស គណៈអភិបាល នៃ ក្រុមសមាជិកសភា គណបក្ស សង្គ្រោះជាតិមាន អភិបាល អភិបាលរង អគ្គលេខាធិការ អគ្គលេខាធិការរង និងហេរញ្ញិក។
ការបោះឆ្នោតនេះ បានជ្រើសរើស ទី១/ លោក សុន ឆ័យ ជាអភិបាល, ទី២/ លោក អ៊ូ ច័ន្ទរ័ត្ន ជាអភិបាលរង, ទី៣/ លោក គី វណ្ណដារ៉ា ជាអគ្គលេខាធិការ, ទី៤/ លោក កែវ ភីរម្យ ជាអគ្គលេខាធិការរង និងទី៥/ លោក លឹម ប៊ុនស៊ីដារ៉េត ជាហិរញ្ញិករបស់ CNRP៕
