រឿងវាយអ្នកតំណាងរាស្ត្រ CNRP តុលាការបើកសវនាការ ថ្ងៃទី២៨ មេសា
រាជធានីភ្នំពេញ៖សាលាដំបូងរាជធានីភ្នំពេញ និងបើកសវនាការ ជំនុំជម្រះ រឿងវាយអ្នកតំណាងរាស្ត្រ CNRP ២នាក់ នៅមុខរដ្ឋសភា នៅថ្ងៃទី២៨ ខែមេសា ឆ្នាំ២០១៦ ខាងមុខនេះ។ នេះបើយោងតាមការអះអាងរបស់មេធាវីជូង ជូងី ដែលការពារក្តីឲ្យ តំណាងរាស្ត្រពីររូប ជាជនរងគ្រោះ។
ជនសង្ស័យដែលត្រូវនាំមកកាត់ទោសរួមមានឈ្មោះ ចាយ សារិទ្ធ អាយុ៣៣ឆ្នាំ មានទីលំនៅ សង្កាត់តាខ្មៅ ក្រុងតាខ្មៅ ខេត្តកណ្តាល ឈ្មោះ ម៉ៅ ហឿនអាយុ៣៤ឆ្នាំ មានទីលំនៅ ឃុំព្រែកខ្សាយ ស្រុកពាមរក៍ ខេត្តព្រៃវែង និង ឈ្មោះ សុត វណ្ណនី អាយុ៤៥ឆ្នាំ មានទីលំនៅ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ខណដែលជនទាំង៣នាក់ បានចូលមកសារភាព ចំពោះមុខគណៈកម្មការស៊ើបអង្កេតករណីបង្ករបួសស្នាមលើអ្នក តំណាងរាស្ត្រ៕
