លោក ស៊ុត ឌីណា អួតអាងថា លោកជាអ្នកទំលាក់លោក ហោ ណាំហុង
រាជធានីភ្នំពេញ៖ថ្លែងនៅក្នុងសន្និសិទសារព័ត៌មាននារសៀលនេះ លោក ឱម យ៉ិនទៀង ប្រធានអង្គភាពប្រឆាំងអំពើពុករលួយបានបញ្ជាក់ថា លោក ស៊ុត ឌីណា បានដើរអួតអាងប្រាប់គេប្រាប់ឯងថា លោក ជាអ្នករាយការណ៍និងទម្លាក់លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេសពីតំណែង។ ប្រធាន ACU បន្តថា ការនិយាយរបស់លោក ស៊ុត ឌីណា គឺដើម្បីអួតអាងអំពីសិទ្ធិអំណាចរបស់ខ្លួនប៉ុណ្ណោះ។
គួរបញ្ជាក់ថា លោក ស៊ុត ឌីណា អតីតឯកអគ្គរាជទូតកម្ពុជាប្រចាំសាធារណរដ្ឋកូរ៉េ ត្រូវប្រឈមនឹងបទល្មើសពីរ ៖ ទី១/ កិបកេងលុយខុសច្បាប់ និងទី២/ រំលោភអំណាច។ បច្ចុប្បន្នលោក ស៊ុត ឌីណា ត្រូវបានបញ្ជូនទៅឃុំខ្លួនបណ្តោះអាសន្ននៅពន្ធនាគារព្រៃសរ៕
