អ៊ុង សានស៊ូជី គ្រោងដោះលែងអ្នកទោសនយោបាយទាំងអស់
មីយ៉ាន់ម៉ា៖ទូរទស្សន៍BBC អង់គ្លេស បានឲ្យដឹងថា នៅថ្ងៃព្រហស្បតិ៍ ទី ៧ ខែមេសា ឆ្នាំ ២០១៦នេះថា លោកស្រី អ៊ុង សានស៊ូជី និងរដ្ឋាភិបាលមីយ៉ាន់ម៉ាថ្មី សន្យានឹងបន្តធ្វើការដោះលែងអ្នកទោសនយោបាយទាំងអស់ ដែលនៅសល់ នៅក្នុងកំឡុងពេល ២សប្តាហ៍ខាងមុខ។
នេះជាការថ្លែងលើកដំបូងរបស់លោកស្រី អ៊ុង សានស៊ូជី ចាប់តាំងពីលោកស្រី បានឡើងកាន់តំណែងជាទីប្រឹក្សារដ្ឋ ដែលឋានៈស្មើនាយករដ្ឋមន្ត្រី។ ការលើកឡើងនេះ ត្រូវបានគេជឿជាក់ថា នឹងត្រូវធ្វើឡើងទៅលើអ្នកទោសនយោបាយដែលមានឈ្មោះចំនួន៥០០ទាំងកំពុងជាប់ឃុំឃាំង និងកំពុងរង់ចាំការកាត់ទោសផងដែរ៕
