ISIS ចាប់ពលរដ្ឋស៊ីរីចំនួន២៥០នាក់ធ្វើចំណាត់ខ្មាំង
ស៊ីរី៖យោងតាមការចេញផ្សាយរបស់សារព័ត៌មាន Channel News Asia ថា ប្រជាពលរដ្ឋស៊ីរីចំនួន២៥០នាក់បានបាត់ខ្លួន នៅពេលដែលក្រុមរដ្ឋឥស្លាមវាយប្រហារចូលភាគខាងកើតនៃរដ្ឋ Damascus ពលរដ្ឋដែលបាត់ខ្លួននោះត្រូវគេសង្ស័យថាត្រូវក្រុមរដ្ឋឥស្លាមចាប់ជំរិត។
សារព័ត៌មានដដែលបន្តថា ការវាយប្រហាររបស់ក្រុមរដ្ឋឥស្លាមចូលក្នុងទីក្រុង Dmeir ភាគខាងកើតនៃរដ្ឋ Damascus ប្រមាណ៥០គីឡូម៉ែត្រ។ ក្រុមអ្នកបាត់ខ្លួនទាំងនោះធ្វើការនៅរោងចក្រផលិតស៊ីម៉ង់ត៍។ មន្ត្រីរដ្ឋបាលនៃរោងចក្រផលិតស៊ីម៉ង់ត៍ថ្លែងថាតាំងពីថ្ងៃចន្ទមកការបាត់ខ្លួនបុគ្គលិកនិងកម្មកររបស់ខ្លួននៅមិនទាន់មានដំណោះស្រាយនៅឡើយ៕
