ភ្នំពេញ៖ ព្រះសង្ឃ២អង្គ ដែលគង់នៅវត្តស្ទឹង មានជ័យ ដែលបានដឹក ជញ្ជូនទង់ជាតិ និងទង់សាសបាចំនួន ១២៤ដើម ចូលទៅវត្តសាមគ្គីរង្សី ត្រូវបានដោះស្បង់ចីវរក្លាយទៅជាគ្រហស្ថ ដោយឱ្យស្លៀកពាក់ស៊ីវិលវិញ កាលពីវេលាម៉ោង៣រសៀលថ្ងៃទី១២ ខែវិច្ឆិកានេះ នៅស្នងការនគរបាលរាជធានីភ្នំពេញ ដោយមានការចូលរួមពីមន្ត្រីមន្ទីរធម្មការ និងព្រះរាជអាជ្ញារងសាលាដំបូងរាជធានីភ្នំពេញ។
ប្រភពបានបន្តថា ជនទាំងទាំង២នាក់ ១-ឈ្មោះ ថាច់ សាង អាយុ ១៩ឆ្នាំ និង២-ឈ្មោះ ឃិត វណ្ណៈ អាយុ ២០ឆ្នាំ នឹងត្រូវបញ្ជូនទៅសាលាដំបូងរាជធានីភ្នំពេញ ដែលជាប់ពាក់ព័ទ្ធ២បទល្មើសផងដែរ។
គួរបញ្ជាក់ថា ព្រះសង្ឃ២អង្គដែលគង់ក្នុងវត្តស្ទឹងមានជ័យ ត្រូវបានឃាត់ខ្លួន បញ្ជូនទៅស្នងការនគរបាលរាជធានីភ្នំពេញ កាលពីវេលាព្រឹកថ្ងៃទី១២ ខែវិច្ឆិកានេះ ដោយសារតែព្រះសង្ឃអង្គនេះ បានដឹកកំណាត់ ប្ញស្សី ទៅវត្តសាមគ្គីរង្សី ចំនួន ២ការ៉ុង សរុបចំនួន ១២៤ដើម ដោយបំពង់ ប្ញស្សី ចំនួន ៥៩ដើម មានចងភ្ជាប់ ដោយទង់ជាតិ ចំនួន ៦៩ដើម មានចងដោយទង់សាសនា ព្រមទាំងសំភារៈមួយចំនួន ដើម្បីចូលរួមហែញត្តិ ទៅដាក់តាមស្ថាប័នរដ្ឋនានា។
ប្រភពបានឱ្យដឹងទៀតថា យោងតាមមន្ទីរធម្មការ និងសាសនាព្រះសង្ឃ២អង្គ ដែលឃាត់ខ្លួន គឺមានទី១-ឈ្មោះ ឃឹត វណ្ណៈ អាយុ ២០ឆ្នាំ និងទី២- ឈ្មោះ ថាច់សាង អាយុ ១៩ឆ្នាំ។ ព្រះសង្ឃទាំងពីរអង្គ ស្នាក់នៅកុដិលេខ៤ ក្នុងវត្តស្ទឹងមានជ័យ៕
