ញូដេលី៖មនុស្ស២៧នាក់បានស្លាប់ និង១៣នាក់ផ្សេងទៀតរងរបួស ក្នុងហេតុការណ៍គ្រោះថ្នាក់ចរាចរណ៍ដ៏រន្ធត់រថយន្តក្រុងបានធ្លាក់ចូលទៅក្នុងជ្រោះ នៅក្បែរផ្លូវធ្វើដំណើរនៃស្រុក Deogarh ស្ថិតនៅក្នុងរដ្ឋ Odhisa ភាគខាងកើតប្រទេសឥណ្ឌា។ នេះបើតាមការចេញផ្សាយរបស់សារព័ត៌មានស៊ិនហួរ នៅមុននេះបន្តិច។
បើបើអាជ្ញាធរក្នុងតំបន់បាននិយាយថា ហេតុការណ៍គ្រោះថ្នាក់កើតឡើងតាំងពីយប់ថ្ងៃអាទិត្យមកម្ល៉េះ ដោយវាស្ថិតនៅចម្ងាយ២៦៤គីឡូម៉ែត្រនៃភាគពាយ័ព្យរបស់ទីក្រុង Bhubaneswar របស់រដ្ឋ Odhisa។ ប៉ូលិសបានអះអាងថា រថយន្តក្រុងខាងលើនេះបានដឹកក្រុមល្ខោន អូប៉េរ៉ា ចំនួន៤០នាក់ ។ ប៉ូលិសបញ្ជាក់ថា ផ្លូវធ្វើដំណើរនោះ ទំនងជាខ្ពស់ខ្លាំងពេក ហើយរថយន្តក្រុងទំនងជាបានបាត់បងម្ចាស់ការទៀត ពេលចុះចំណោត ទើបបានបណ្តាលឲ្យធ្លាក់ចូល ទៅក្នុងជ្រោះជម្រៅជាង ៥០ម៉ែត្រនោះតែម្តង៕
