ស្លាប់៤នាក់ របួស៨នាក់ដោយសារគ្រោះថ្នាក់ចរាចរណ៍ម្សិលមិញ
រាជធានីភ្នំពេញ៖យោងតាមនាយកដ្ឋាន នគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី១៩ ខែមេសា ឆ្នាំ២០១៦ម្សិលមិញនេះ មានគ្រោះថ្នាក់ចរាចរណ៍នៅទូទាំងប្រទេស កើតឡើងចំនួន ៧លើក បណ្ដាលឲ្យស្លាប់បាត់បង់ជីវិត ៤នាក់ និងរបួសធ្ងន់ចំនួន ៧នាក់ របស់ស្រាលចំនួន ១នាក់ ។ គ្រោះថ្នាក់ទាំង ៧លើកនោះ បានបណ្ដាលឲ្យខូចខាតម៉ូតូចំនួន ៣គ្រឿង, រថយន្តតូច ៥គ្រឿង, យានផ្សេងៗ ១គ្រឿង និងថ្មើរជើង ១នាក់ ។ មូលហេតុមកពី បើកបរលឿន ៤លើក, មិនកាន់ស្តាំ ១លើក, បត់គ្រោះថ្នាក់ ១លើក, ងងុយដេក ១លើក ៕
