កំពង់ឆ្នាំង៖អំពើហិង្សាដែលបង្កឡើងពីការជំរិតទារប្រាក់ពីប្រជាពលរដ្ឋគោយន្តដឹកអុសចំនួន៣គ្រឿងបង្កការភ្ញាក់ផ្អើលដល់សមត្ថកិច្ច។ករណីនេះកើតឡើងនៅថ្ងៃទី១៨ ខែមេសា ឆ្នាំ២០១៦ វេលាម៉ោង១៩នាទីយប់ នៅចំណុចខាងត្បូងផ្លូវដែកក្នុងភូមិដំណាក់អំពិលឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
បើយោងតាមរបាយការណ៍របស់អធិការដ្ឋាននគរបាលស្រុកទឹកផុសថា មានករណីហិង្សាដោយចេតនា របួសសងខាង នៅចំណុចខាងត្បូងផ្លូវដែកក្នុងភូមិដំណាក់អំពិលឃុំក្រាំងស្គារ ស្រុកទឹកផុស ខេត្តកំពង់ឆ្នាំងដែលបង្កឡើងដោយមនុស្សពីរក្រុមមានឈ្មោះដូចខាងក្រោមទី១.ឈ្មោះ ចែម ស៊ឺន ភេទប្រុសអាយុ១៦ឆ្នាំ( របួសសៀតផ្កាខាងស្ដាំ និងក្បាល) ទី២.ឈ្មោះ ផាត់ សុំ ភេទប្រុស អាយុ២២ឆ្នាំ ទី៣.ឈ្មោះ អឿន ផា ភេទប្រុស អាយុ៣៨ឆ្នាំ(របួសថ្ពាល់សងខាងនិងក្បាល)។ អ្នកទាំងបីនាក់ខាងលើរស់នៅភូមិតាំងគ្រោឃុំក្រាំងល្វាស្រុកសាមគ្គីមានជ័យខេត្តកំពង់ឆ្នាំង និងក្រុមទីពីរទី១.ឈ្មោះ ណុង វណ្ណាត(ហៅកុយ)ភេទប្រុស អាយុ៣០ឆ្នាំ ទី២.ឈ្មោះ ណុង វណ្ណា ហៅក្រឹម ភេទប្រុស អាយុ២៨ឆ្នាំ (របួសពីរលើក្បាលនិងដៃសងខាង) អ្នកទាំងពីររស់នៅភូមិដំណាក់អំពិល ឃុំក្រាំងស្គារ ស្រុកទឹកផុស ខេត្តកំពង់ឆ្នាំង ។
មូលហេតុបណ្ដាលមកពីខាងក្រុមទី២ជំរិត ទារលុយពីរក្រុមទី1ក្នុងគោយន្ដមួយថ្លៃ ប្រាំពាន់រៀល មិនបានតាមបំណង ក៏ផ្ទុះហឹង្សាតែម្ដង។ ក្រោយពេលកើតហេតុកម្លាំងនគរបាលបានចុះឃាត់ខ្លួនបានចំនួន២នាក់និងកសាងសុំណុំរៀងបញ្ជូនបន្តតាមនីតិវិធី។
ករណីនេះស្នងការដ្ឋាននគរបាលខេត្តកំពង់ឆ្នាំងលោកឧត្ដមសេនីយ៍ត្រី ប្រាក់ វុឌ្ឍី បានឲ្យដឹកថា លោកនិងចាត់វិធានការតាមផ្លូវច្បាប់មិនអោយជនល្មើសរួចផុតពីសំណាញ់ច្បាប់ត្រូវតែបញ្ជូនសំណុំរឿងទៅតុលាការ។
បើទោះយ៉ាងណាក៏ដោយប្រជាពលរដ្ឋនៅតំបន់ក្ដុលនិងដំណាក់អំពិលនិយាយថាជនល្មើសគ្មានតួនាទីសំអាងលើបងប្រុសរបស់ខ្លួនជាប្រជាការពារនិងជាបងធំនៅតំបន់ក្ដុលតែងតែដើជំរិតទារប្រាក់ពីប្រជាពលរដ្ឋដឹកអុសនិងបង្គោលរបងហើយបង្កជម្លោះជាញឹកញាប់រហូតធ្លាប់វាយគេបាក់ដៃទៀតផងតែត្រូវបានដោះលែង។
ករណីហិង្សាខាងលើនេះ គេមិនសង្ឃឹមថា ជនល្មើសជាប់ទោសនោះឡើយ ដោយប្រជាពលរដ្ឋអះអាងថាកំពុងមានអ្នករត់ការដោះលែងទៀតដូចពីពេលមុនទៀតហើយ ។
ម្យ៉ាងវិញទៀតរបាយការណ៍នគរបាលហាក់ដូចជាមានការជួយជនសង្ស័យយដោយមិនបានចោទបន្ទុកពីករណីជំរិតទារប្រាក់នោះទេ៕
