ដោយះប៉ែនសុផល
បាត់ដំបង៖នៅអំឡុងម៉ោងជិត៣៖០០នាទី រសៀលថ្ងៃទី២០ ខែមេសា ឆ្នាំ២០១៦នេះ ក្នុងខេត្តបាត់ដំបង មានការភ្ញាក់ផ្អើល១ តាមរយៈការប្រកាស ព័ត៌មានលើទំព័រហ្វេសប៊ុកដោយប្រាប់ឲ្យមានការប្រុងប្រយ័ត្នពិសេសប្រជាពលរដ្ឋដែលរស់នៅតាមតំបន់ព្រំដែនឈមនឹងប្រទេសថៃក្នុងនោះមានខេត្តបាត់ដំបង និងខេត្តប៉ៃលិន។
គួរបញ្ជាក់ថា ការភ្ញាក់់ផ្អើលនេះកើតឡើងបន្ទាប់ពីនៅប្រទេសថៃក្នុងខេត្តដែលឈមគ្នានឹងខេត្តបាត់ដំបង ប៉ៃលិន បានរងការបោកបក់ដោយកំលាំងខ្យល់ព្យុះ យ៉ាងខ្លាំងក្លាដោយពពកឡើងខ្មៅខ្មួលខ្មាញ់ហើយធ្លាក់ភ្លៀងជោកជាំលាយឡំដោយខ្យល់ ផ្គរ រន្ទះ និងធ្លាក់ព្រិលទៀតផង គឺ ផ្ទុយគ្នានិងពេលវេលាដូចគ្នានៅក្នុងខេត្តបាត់ដំបងអាកាសធាតុមានផ្ទៃមេឃស្រឡះល្អធម្មតា។
យោងតាមបណ្តាញផ្សព្វផ្សាយព័ត៌មានក្នុងភេករបស់ស្នងការដ្ឋាននគរបាលខេត្តបាត់ដំបងបានអោយដឹងថាះ នៅវេលាម៉ោង៣៖៣០រសៀលថ្ងៃដដែលនេះស្ថានភាពខ្យល់ព្យុះនិងភ្លៀងនៅប្រទេសថៃបានធូរស្រាលឡើងវិញហើយ មិនរាលដាលដល់ កម្ពុជាទេ៕
