អគ្គិភ័យឆេះផ្សារភូមិពោធិ៍បំផ្លាញផ្ទះប្រជាពលរដ្ឋអស់ចំនួន៨ខ្នង
ខេត្តពោធិ៍សាត់៖ផ្ទះប្រជាពលរដ្ឋត្រូវអគ្គិភ័យបំផ្លាញអស់ចំនួន៨ខ្នងផ្ទះ និងរងរបួសមនុស្សចំនួន៣នាក់ ខណដែលភ្លើងបានឆាបឆេះផ្សារភូមិពោធ៍ ស្ថិតក្នុងភូមិពោធិ៍ ឃុំស្រែស្តុក ស្រុកកណ្តៀង ខេត្តពោធិ៍សាត់ ហើយបានរាលដល់ផ្ទះប្រជាពលរដ្ឋ។ ហេតុការណ៍នោះបានកើតឡើងកាលពីវេលាម៉ោង៩៖០៥នាទីយប់ថ្ងៃទី២០ ខែមេសា ឆ្នាំ២០១៦នេះ បន្ទាប់ពីចាប់ផ្តើមឆេះនៅម៉ោងជាង៨យប់។
សមត្ថកិច្ចបានឲ្យដឹងថា ដំបូងឡើយ គេបានឃើញមានភ្លើងចាប់ផ្តើមឆេះ ពីផ្ទះឈ្មោះ វី ដោយមានអណ្តាតភ្លើងឆេះសន្ធោសន្ធៅទៅហើយមួយសន្ទុះក្រោយមកក៏រាលដាលដល់ផ្ទះប្រជាពលរដ្ឋផ្សេងទៀត៕
